[絕對無糖分]就係咁，我搬左入一幢充滿一樓一嘅唐樓: １１５　相擁

今日……我同佢第一次起爭執……

因為佢香港嘅阿叔黎左，而且，小雨父母仲要叫佢阿叔帶小雨去香港讀書……

其實，如果小雨佢去香港，其實對我之後返廣東係一件好事，因為我可以定時定候去香港見佢。

但係，重點係佢阿叔。

因為呢個阿叔有性侵過佢，當我一見到佢呢位阿叔果陣，我Ｄ怒火就衝左出黎。



而我係當晚，小雨打比我果陣先知佢阿叔帶佢返香港讀書件事，我一聽到後當然係反對，但係我知道小雨性格，只要佢決定左做，好難令佢改變佢嘅諗法。

就算我同佢感情咁好，都好難令佢作出改變。

漸漸等待後……

終於到，分離之日。

但……離開台灣嘅人，唔係我，而係佢。



站係我前面嘅小雨，笑緊喊到傻左嘅我。

「妳仲叫我分離果日唔好喊，妳睇妳自己。」佢雖然笑我，但我卻沒有一種難受感覺。

「咩……咩啊……我叫妳唔好喊，無話我唔比喊。」我話。

佢聽到後笑得好大聲話：「係咩，原來係咁解啊。」

佢攬住左我，然後同我講：「我都無諗過係我先離開香港，我都唔知，呢個決家岩唔岩。」



從佢語氣我聽得出，其實佢好膽心。

「我都……唔知，但我最膽心係妳阿叔。」我話，然後係袋入面拎左個公仔比佢。

佢望到個公仔後，笑左笑話：「妳知我唔玩公仔。」

而我就話：「妳當呢個公仔係我啦，而且呢個公仔可以保護到妳。」

「下？保護我？」佢問，而我係佢耳邊講：「係防狼器黎，妳阿叔如果想對妳做咩果陣，妳可以電佢。」

佢聽到後，好慌張咁收起，「呢Ｄ上唔上得飛機架。」

而我就話：「我唔理，妳諗方法帶佢去香港。」

佢聽到後，又笑左笑。



然後，我地沉默，大家互相望住大家，就好似……呢段時間係得返我地兩個一樣。

「記住，我一定會盡快搵方法返廣東。」我話。

而佢點一點頭，「記唔記得我地第一次見面時，妳唱果首歌。」

我又點一點頭。

「妳可唔可以唱多次比我聽啊。」佢話，而佢眼淚慢慢流下。

我深呼吸左一啖後，唱起果首歌。

徘徊在似苦又甜之間 望不穿這曖昧的眼
愛或情借來填一晚 終須都歸還 無謂多貪


猶疑在似即若離之間 望不穿這曖昧的眼

就係我歌聲下，我地把握時間係離別前緊緊地相擁。