[絕對無糖分]就係咁，我搬左入一幢充滿一樓一嘅唐樓: １０８　「性」對你黎講，係咩？

聽到小雨咁講後，我只係好無奈，然後話：「咁我打比舅父佢，叫佢落黎救我地。」講先後，我摸一摸褲袋……咦？我部電話呢？唔通係另一個褲袋……咦！都無ＷＯ！後褲袋……仆街！我原來無拎部電話落黎。

佢地兩個見到我咁，就問：「你唔係無拎電話落黎掛？」

我……點一點頭。

「咁死得，我同小雨部電話都放左係隔離……」ＶＩＶＩ話。

而我就話：「唔緊要，我地用家居電話。」



「邊有申請家居電話啊呢度。」小雨講完後，我沉默。

「咁……咁上網！」我話：「上網可以搵小春幫手！」

而小雨就用好不屑嘅眼神望住我話：「停撚左電啊天才，邊撚到有電開電腦啊。」

……

……又係ＷＯ。



咁點好呢！？又無電！又無方法聯絡出面！我唔想死係度啊！！！我唔撚想仲係處男就死啊！！！更加唔想做一個無撚用性無能處男啊！！！

救我啊！！！

就當我咁有內心戲嘅期間，ＶＩＶＩ姐就安撫緊佢身邊嘅小雨，「唔駛驚，有我係度咩事都無，遲下實有人黎救我地。」

而小雨，就用好堅定嘅眼神望住ＶＩＶＩ：「嗯，有妳係身邊，就一定無事。」

我見到佢地咁，唔知點解都安心左好多。



佢地兩個依偎係一齊，而我就係佢地對面不遠處耐心等緊人黎救我地，就係呢個時候，ＶＩＶＩ就問：「蕃薯，頭先你係未有野想問我？」

我回過神後再回想，係ＷＯ，我頭先係有問佢地野㗎ＷＯ，問左咩呢……啊！係呢條。

「妳地兩個係情侶，要一齊做呢一行嘅？」我記得我係咁問。

而ＶＩＶＩ無等我再問，佢就開始答：「試問有邊個一出世就想做呢行，做呢行嘅人一定有佢自己苦衷，只不過，我同小雨嘅苦衷，可能係業界無邊個會有。」

ＶＩＶＩ笑左笑，而小雨都笑左笑。

佢呢一句話，另外諗起ＣＯＣＯ同ＹＯＹＯ，試問有邊個我的志願會寫想做雞。

然後，我望住佢地問：「咁你地苦衷係？」

ＶＩＶＩ嘆左一口氣後話：「因為我同小雨嘅相愛係不受世俗接受，所以我地用『性』去賺取足夠嘅金錢，然後去一個可以接受的地相愛嘅國家。」



我聽完後……「姐係？」

小雨望住我問：「『性』對你黎講，係咩？」