[絕對無糖分]就係咁，我搬左入一幢充滿一樓一嘅唐樓: ９１　四包粉

諗好過地點，就係時候諗埋個時間，我思前想後，究竟要約個人多嘅時間好，定係約個人少嘅時間好。

約人多，一黎可能佢地會因為群眾壓力下無咁易爆起上黎，而且身邊有咁多人，實ＨＯＬＤ得住……但係，如果佢地真係爆起上黎，Ｄ人又唔幫手，剩係掛住拎部手機出黎拍片，咁未ＧＧ囉！？

但如果約人少，無左群眾壓力的話，佢地又會唔會好易爆呢，如果爆起上黎，身邊真係唔會有人ＨＯＬＤ到㗎ＷＯ，而且一唔小心搞大件事，要報警點算！？

「你諗咁多做咩呢？」陰陽怪問。

係啊，我而家又入左夢。



「咁我想將件事簡單化，將所有危險野減到最低。」我話，然後望住佢講：「不如你都幫手諗諗啦。」

陰陽怪諗左諗，左行行，右企企咁，而我就苦思咁，真係諗唔到約咩時間好ＷＯ，好似約邊個時間都有一大堆野要處理咁。

就當我諗無可諗之際，陰陽怪突然大聲叫左一下：「有計！但係要你好好準備。」

我聽到佢話有計後，就立即跑到佢面前問：「有咩計？要點準備？」

陰陽怪係佢身上面搵左好耐，然後拎左一包野出黎，拎左比我，而我望住包野問：「咩黎㗎？」



陰陽怪話：「呢包係我獨門迷藥黎，Ｄ人飲左後對身體無害，但飲果個人會成個人好似靜止左咁，變成人定狀態，只會見到自己內心世界。」

我聽完佢講一大堆後，都唔知佢講咩咁，但我只聽到幾個ＫＥＹ　ＷＯＲＤ……人定、內心世界、靜止……

「佢地三個靜晒！傾條撚啊！」呢個係我得出嘅結論。

陰陽怪回應：「你咁講……又岩ＷＯ。」佢又陷入一陣沉思，然後又係一個大叫：「都有計！」

佢又係身上面搵左陣，又拎左另一包粉出黎，我又望住包粉問：「呢包野又係咩黎呢？」



陰陽怪今次話：「呢個係可以將人嘅內心連埋一齊，但係要有個人帶領住。」

「要有個人帶領住？」我問，然後陰陽怪眼定定望住我，手搭住我膀頭話：「靠你嗱。」

下！？靠我！？

「咩靠我啊！？」我問。

而陰陽怪就話：「頭先比你果包，係三人份量，足夠比阿ＫＩＮＧ同佢父母三人用，而呢包就一人份，你用就最好。」

「等等先，點解係我？」我問。

然後陰陽怪指一指我地身邊果七盞油燈，然後話：「你想唔想整著Ｄ油燈先。」

我望住果七盞油燈後話：「咁姐係焗住叫我上姐。」



「為左七盞油燈，你盡力啊。」陰陽怪話，然後將四包粉放係我掌心後講：「只要你捉緊，一陣我整黎出去後，你手上面就會繼續拎住呢四包粉㗎拿嗱。」

我聽到後，就嘆左一口氣話：「咁好啦，都算解決左唔駛煩時間嘅問題，有左呢四包粉，約個少人Ｄ嘅時間就得。」