[絕對無糖分]就係咁，我搬左入一幢充滿一樓一嘅唐樓: ８２　ＶＩＶＩ

阿ＫＩＮＧ最後無留咁耐，而我送佢去樓下果陣，佢同我講：「其實，你係未對澧琳有意思？」

下！？做咩突然問Ｄ咁嘅野？

「你……你點知㗎？」頂……我又死蠢認左。

而阿ＫＩＮＧ笑左笑後話：「見你日日返工睇更表果陣，都會留意下澧琳返咩野更，一齊返果陣，又成日同佢一齊傾計，盲都知啦。」

「下！？盲都知？咁姐係公司全部人都知？」我問。



「係啊，不過賤輝好似唔知，澧琳都唔會知嘅，當局者迷點會知道呢Ｄ野。」阿ＫＩＮＧ笑到好奸咁搭住我膀頭。

「你……你做咩笑到咁？」我又問。

「無，只係想你幫我一件事姐，我見你而家住得咁近我地返果間ＫＦＣ，如果我癮起的話，可唔可以幫我頂一頂更呢？」佢用一個天真而帶有命令嘅語氣問。

佢講到咁……我仲可以答無咩……「好啊。」

「謝謝你。」阿ＫＩＮＧ講完後，又擺出佢果副男神架子。



其實我唔明，佢咁靚仔，有性上癮應該好多女排住隊幫佢救火，點解要搞到用叫雞呢個方法黎做！？

真係……百思不得其解。

然而，當我告夠左ＫＩＮＧ之後，我察覺到我身後面有一陣寒意……

「邊個！？」我即間擰住頭……一個可疑人物都無嘅！？個寒意係點黎㗎？

我又返上去，途經過彩虹姐個架步，見到佢長期返左個「請稍候」牌，然後支燈係熄左，我諗尋晚一定係比阿ＫＩＮＧ搞到元氣大傷。



然後，我見到ＶＩＶＩ佢拎住一大堆野落黎，「ＶＩＶＩ姐，做咩拎住咁多野啊？」我問。

「幫彩虹舒展下囉，你尋晚個朋友搞到佢咁，會職業勞損㗎，我地呢行有無工傷保險，唔自救點得㗎。」ＶＩＶＩ講完後就行到彩虹姐間房，行果陣仲加多句，「都唔知妳個朋友係性上癮地身上面有污糟野。」

性上癮……污糟野？

等等！？我第一次見ＶＩＶＩ姐果陣，見佢係我下體搞左Ｄ野後我就變左性無能，唔通……唔通陰陽怪嘅出現會同ＶＩＶＩ姐有關！？