[絕對無糖分]就係咁，我搬左入一幢充滿一樓一嘅唐樓: ８０　另一隻陰陽怪

飲到醉晒訓左係床到，一心諗住可以訓到天光……

但係……估唔到又……

「係啊！又係我啊！」點解連續兩晚見到陰陽怪㗎。

我一副怒火湧上心頭，「你條仆街尋晚爆我菊叫醒我知唔知好撚痛啊！」

「又係你話用另一個方法叫醒你嘅。」陰陽怪一副理所當然咁話。



我聽到後，又嬲又無言，然後問：「咁今次又點啊！」

佢笑笑口話：「無，關心下你姐，你睇下果邊。」佢指住左果七盞油燈，我望左過去問：「睇咩？」

佢行左去一個未著嘅油燈度話：「你睇下呢盞燈有無咩野唔同。」


聽佢咁講，我就行近左果盞油燈好仔細咁望左望，「……又好似有少少唔同，但係有講唔出有咩分別。」

陰陽怪聽到後反左個白眼，「都知你蠢，但估唔到蠢成咁，你睇下盞油燈本身係未光亮左啊。」



我望一望裝住油果個器皿，「又係ＷＯ，咁姐係點。」

「姐係呢盞油燈就快有機會著。」佢話。

「真係！？」我聽到當然好開心啦，就問佢：「咁我要做Ｄ咩整著佢。」

而陰陽怪一副諗樣後話：「應該同你果位性上癮朋友有關。」

「你指阿ＫＩＮＧ？」我問，而佢點一點頭。



「咁要點幫佢？」我又問。

陰陽怪就望住遠方咁話：「幫佢，達成功德，等佢以後唔駛性上癮。」

我聽完後呆左望住佢，幫佢以後唔駛性上癮？姐係叫我醫佢啊？我又唔係醫生，況且阿ＫＩＮＧ都話自己有食開藥壓止下都要時不時去叫雞發泄，咁我可以點幫佢啊。

仲有，關功德咩事？

「關功德咩野事？你呢個真係個好問題。」下，我心聲原來佢係聽得出㗎。

「緊係啦，我神仙黎，唔係陰陽怪。」ＰＫ……原來佢一直都知我叫佢陰陽怪。

「咁……關功德咩事？」我尷尬地問。



然後，陰陽怪就語重心長同我講：「我覺得你位朋友心入面，都住左一個同我類似嘅野係度。」

下！？阿ＫＩＮＧ身體入面又有另一隻陰陽怪！？