[絕對無糖分]就係咁，我搬左入一幢充滿一樓一嘅唐樓: ７９　秘密協議

－－－－－　回到現實　－－－－

我地三個係果幢充滿一樓一嘅大廈，同尋晚一樣，買左好多啤酒。

「你個故事真係長，聽到我就快訓著。」小春飲住一罐啤酒話。

而我就反左下白眼，「阿ＫＩＮＧ佢有呢個病咁慘，好心你就唔好咁口臭啦。」我望住阿ＫＩＮＧ，「我以前仲以為你好串唔理人，原來你有一個咁不為人知嘅往事。」

阿ＫＩＮＧ聽到我咁講後，笑左笑話：「以前串，係因為我唔敢同人熟，我驚一熟左之後，果個人知我咁，會覺得我係一個變態。」



「咁樣之後呢，你同你父母點啊？」小春問。

阿ＫＩＮＧ嘆左一口氣後話：「佢地最後吵左好耐，之後仲離左婚，其實佢地離婚我都唔知為咩，係為左雙方都做左出軌嘅事，定係為左終於知道雙方嘅陰暗面。」

佢講完後，好用力咁掟左個啤酒罐去牆果邊，然後大叫：「我唔撚想不停造愛啊！！！如果有得揀！我情願性無能啊！！！」

我聽到佢咁大叫，呆住望住佢……性無能……你旁邊果位已經係啦……

性無能有性無能嘅苦況啊，ＫＩＮＧ哥。



而小春聽到阿ＫＩＮＧ咁講後，就話：「咁你真係性無能後，會唔會想要返性上癮先？」

小春！講得好！

然而，阿ＫＩＮＧ只係好靜咁望左出去後講：「我剩係想做返個正常人，可以正常咁享受性愛。」

我其實好明佢，而家我同性無能無咩分別，都係想貯齊七盞油燈，做返正常嘅自己，如果要用性上癮黎交換……可能……我都唔會換。

小春行左去阿ＫＩＮＧ旁邊，然後話：「咁啦，蕃薯其實唔多想比其他人知佢而家住呢度，只要你保守秘密，只要平時一有新貨到，就話你知啦。」



阿ＫＩＮＧ反左下白眼後話：「我講多次，我唔係雞蟲，我只係性上癮。」然後佢望住我：「不過我實會幫你保守秘密，但你都唔好講我Ｄ野比人知。」

我望住阿ＫＩＮＧ點左點頭，但我覺得，呢件事唔會就咁完。