[絕對無糖分]就係咁，我搬左入一幢充滿一樓一嘅唐樓: ７７　老豆

而家過嘅每一日都好唔實在，返到學校坐係薇琪隔離就只會諗好唔好逃學出去到薇琪搞野，返到屋企，望住仲份緊模範夫妻嘅阿爸阿媽，面對住佢地嘅偽裝，真係覺得噁心。

每一晚，我仲會ＫＥＥＰ住讀道德經，但係已經同以往好唔同，以往嘅我都係用一個好莊嚴嘅心去讀，但自從我同薇琪嘅第一次後，每次都因為讀道德經而有反應……

係下面有反應……

每日我都活係自責、慾望、鄙視之中，令到我心情每況愈下，甚至去到思考，我以後人生係未一直都會咁頹廢落去。

每次一諗到呢度，我就會想發泄，係慾望上嘅發泄，以前我會不恥打飛機呢個行為，但而家，每三日一次、每兩日一次、去到每日三次……五次……七次……



到最後，就連打飛機都滿足唔到我。

今日，我同薇琪又逃學去到果一間酒店，同薇琪發生左性行為後，我無力咁訓左係床度，望住每次完事後，都係床邊玩電話嘅薇琪。

然後，我問：「薇琪，其實我地而家算唔算男女朋友關係？」

薇琪無望我，只係繼續望住電話回應：「你覺得呢？」

我坐左起身望住佢話：「我地都關係都發生左，應該係男女朋友。」我係同一個好堅定嘅眼神望住佢。



但得到嘅只係冷言相待，「如果個個同我發生關係嘅人都咁講，咁我未有好多男朋友？」佢笑，係一種恥笑。

而我當刻腦一片空白，靜左幾秒後先再問：「咁、咁妳覺得我係你嘅邊個？」

薇琪放低手上面個電話，行到我面前，輕輕撫摸左我塊面一下後，一巴咁打左落黎。

我呆左……呆左咁望住佢。

然後，佢理所當然咁話：「你想聽我講當你係性玩具？定想聽我講當你係性伴侶？你自己揀一個，然後以後都唔好再問呢個問題。」



眼神又堅定到散渙，令我更加無力咁坐係床上面，原來，我同阿爸阿媽一樣，只係「性」下產生嘅奴隸。

「我有下場，走先，你一陣自己走。」薇琪講完呢句後就執好自己野離開，而我，就決定跟住佢，睇下佢每次話有下場，但實際上係去邊。

我好唔容易先跟到佢，由酒店跟到去旺角，去到一條我好熟悉嘅街上面，呢條街，係我撞破阿爸搞女學生果條街。

一邊跟住薇琪，心就一邊跳得好快，直到……直到我見到佢所謂嘅下場……我個心突然好似停頓左咁。

我見到，佢用手環抱住一個人，「老豆，有無掛住我先。」

「緊係有掛住我個寶貝女啦。」個男人臉上表情十分猥瑣，然後，見到男人隻手揸住左薇琪個ＰＡＴ　ＰＡＴ。

「好衰㗎，等多陣上去先都唔得。」薇琪好扭擰咁話。

而個男人仲更加猥瑣話：「上到去老豆要好好檢查妳對波有無大到先。」



但係，呢Ｄ對話嘅衝擊都唔及畫面上嘅衝擊，一開始我聽到薇琪叫老豆，仲以為係校長，但係估唔到，果個男人係我阿爸！

但薇琪果陣講到明話係校長私生女，但點解而家又會叫我阿爸做老豆！？