[絕對無糖分]就係咁，我搬左入一幢充滿一樓一嘅唐樓: ７６　秘密

「媽媽，今日條魚蒸得唔錯ＷＯ。」

「……係、係啊。」

「天仁，就快剩係食飯唔食餸啊。」

「我……係……」

本身，我一直都剩係恨我阿爸，恨我自己，但呢一刻，我都唔知我應該恨邊個……我眼前呢位阿爸，好似咩都唔知咁係度食飯，仲讚阿媽佢煮嘅野，而阿媽可能因為我知道佢不為人知嘅野後，每次望住我都好尷尬。



而我今次都係同上次一樣，我選擇唔出聲……

食不下嚥呢買個字，我睇書成日睇到，但而家就真真正正體會到，原來個心好似有人頂住咁，頂到好似呼吸唔到。

最後，我食左半碗飯就想返房，但我阿爸見到我食剩咁多，正想對我訓話：「天仁，你知唔知農夫種米比我地食，要用幾耐時間，用幾多心血，需知道『誰知盤中餐，粒粒皆辛苦』㗎，你同我……」「算啦爸爸，今日我見囝囝晏就返黎有Ｄ唔舒服，可能咁樣無胃口姐。」阿媽幫我講說話，但我唔敢直面望佢，因為只要我同佢眼神有接觸，就會諗起今日晏就佢果歡悅淫賤嘅樣。

「……我返房。」我話，然後就無理佢地返入房，而我聽到佢地好似係飯廳對話，而講咩野我就聽唔清楚。

訓係床上面，我腦入面係度諗，原來我個家真實一面係咁，原來我一直被蒙在鼓裡，但諗諗下又覺得，我自己有咩資格話人，我今日都同薇琪發生左關係……



諗到呢度，我只係笑左笑，因為實在太可笑，一直以為我呢個家好著重道德，但係１５歲呢一年，道德條線慢慢比我揭露同崩潰，我都唔知而家面對緊嘅家，係未我最真實嘅家。

然後，我房門開左，係阿爸。

我望一望個鐘，又係時間讀道德經佢聽。

我企左起身，然後係阿爸面前，開始讀道德經，但係……

「道可道，非常道；名可名，非常名。」我一開始讀，就諗係今日同薇琪發生關係嘅情況，我腦海入面，出現左全祼嘅薇琪。



「上善若水，水善利萬物而不爭，處眾人之所惡，故幾於道……」我同薇琪交歡嘅影象不斷浮現……我感覺到我下面慢慢充血，估唔到，我讀道德經會讀到扯起左……

我鳥低身，阿爸見到後問：「你做咩啊你？」

而我就講：「我唔舒服……」我係因為記得阿媽咁講過，我先食住個勢咁講。

「好啦，今日就讀到呢度。」佢講完就行左出房。

我望一望手中拎住果本道德經……估唔到咁變態，我同阿爸阿媽都係一樣，果然係遺傳。

而到左深夜，我出去拎水飲果陣，見到阿媽一個人坐係個廳度，佢一見到我，就不停同我講對唔住，但我無理佢，直到佢講左一句：「你可唔可以保守呢個秘密，連爸爸都唔好講佢知？」

我望實佢，然後話：「妳都覺得妳所做嘅野有幾不恥？」

阿媽佢無望住我，只係繼續講對唔住。



「放心，我唔會講。」因為，阿爸都有秘密妳係唔知。

但係……原來唔知秘密果個……係我。