[絕對無糖分]就係咁，我搬左入一幢充滿一樓一嘅唐樓: ３　賭俠大戰拉斯維加斯

竟然有女人會對住我笑，呢個世界上除左我阿媽會咁做外，應該唔會再有其他女人會咁做，而且呢個女人嘅笑容仲帶左一Ｄ挑逗，佢嘅笑意，好似唔單止向我示好，仲想……仲想點呢？

「未阻撚住晒啦！」邊撚個阻撚住我發夢，正當我想轉身發圍果陣，「咩野……」見到嘅係一個狠樣阿叔嘅時候，「對唔住對唔住對唔住對唔住對唔住……」係……我淆底……

我讓路後，個阿叔係我身邊經過，經過果陣仲話：「邊有人拎咁撚多野係呢ｄ地方阻撚住人架，你無睇過賭俠大戰拉斯維加斯入面萬梓良講果句架咩？」

「咩啊？」我好天真望住個阿叔問。

個大叔萬梓良上身話：「阻人扑野死左會俾人燒春袋架！You disturb me fucking, your spring pocket will be barbecued！」而家ｄ阿叔英文又會咁好嘅……



佢好嬲咁走左上去，而經個頭先我所講果個女人嘅時候，佢停左係度問：「幾多啊？」

個女人好嫵媚咁伸出四隻手指，個大叔笑淫淫咁問：「仲有咩野服務？」

而個女人好嗲咁話：「上到去未知囉～」把女聲，真係好聽。

我望住佢地兩個一齊上左樓，而個女人臨尾轉一轉頭，向我投左一個好有意思嘅笑容……係咩呢？又係果種好挑逗嘅笑容。

目送佢地上樓後，我都係唔明頭先個大叔講嘅野，拎起個電話，打左比舅父，「舅父，我到左樓下拿，但無電梯嘅？」



「係啊，呢Ｄ地方點會有電梯，你後生仔好氣好力，自己上黎啦。」舅父話。

「我Ｄ行李好重ＷＯ。」我答。

「咁啊……等等！碰！蕃薯仔，舅父忙緊啊，你自己上黎啦，乖仔啦好唔好。」舅父講完之後就ＣＵＴ左線，佢一定係打緊牌啦……

無計啦，舅父都講到咁，我望一望Ｄ行李，死死氣咁自己拎左上去。

但係當我一入到呢幢唐樓，就聞到一種好濃烈嘅氣味。