[絕對無糖分]就係咁，我搬左入一幢充滿一樓一嘅唐樓: ２　紫紅色嘅光管

跟住舅父ＳＤ比我嘅地址，一隻手拎住電話睇緊連登玩９呃點數黨嘅ＰＯＳＴ，另一隻手拖住個大行李……好撚重……鬼咩，我呢幾年買撚左好多手辦同埋我呢幾年嘅珍藏，佢地一定係放晒入去啦。

至於係咩野珍藏……未咁八啦你地。

最慘嘅係舅父嘅地址同我所住地方都有一段路程，而呢個地址就係香港幾時都咁旺嘅旺角，打開個ＧＯＯＧＬＥ　ＭＡＰ　搵一搵，發現仲好近我返工嘅地方添。

咦……但我記得我返互附近嘅地方果Ｄ係唐樓黎架ＷＯ……

都唔知有無電梯添，無嘅話一陣要搬Ｄ行李上去未累都仆街！！！



唔怕，一陣去到叫舅父落黎幫手未得囉。

講一講我呢一位舅父先，頭先講呢個舅父好睇我，真係架，由細到大只要我有咩事要幫手，佢都會企出黎幫我，就算我阿爸阿媽唔幫，佢都會出手。

有咁樣嘅一個舅父真係好，不過……如果係個有錢佬仲好添，咁我就可以唔駛做野都可以問佢拎錢……

可能我呢個諗法好廢，但係如果真係有呢個機會，我諗係人都會有咁嘅諗法，只係做唔做嘅問題姐。

不過，我都好耐無探過舅父，唔知佢住嘅地方係點嘅呢？唐樓？聽聞好大間隔幾好下架ＷＯ，如果係咁就正拿，本身我一直都想自己一間房，唔知舅父會唔會比間房我呢？



就係呢Ｄ咁白痴嘅諗法下，我經過左自己工作嘅方後，再行左一段路就去到舅父所講嘅地址樓下。

我望一望個門口，係一度好舊而且無關嘅鐵匣，鐵匣上面有個好大隻用噴漆噴上嘅街號，然後旁邊有好多黃色架步嘅燈箱，不過最吸引我嘅，係頭頂上面果支紫紅色嘅光管，以及係我眼前，一個擁有好嫵媚貓眼嘅女人對住我笑。