（有感情有甜）半年的我: 開始踏足1

我諗係咩交友app大家都應該估到，黎黎去去都係個幾個既姐。個陣啱啱好返少少，就貪得意down黎玩下，搵人傾下計。

一打開個apps十尻幾両仔出現係我眼前，不過唔係個個都係靚仔姐。玩左幾日左右啦，已經add左好多個傾計，淨係傾計都已經要係咁覆msg，覆完呢個到個個，好在打字快，唔係真係十世都未覆完。
睇下啲request見到有個幾靚仔又有肌肉既hi我，咁就即刻accept左（ok我承認我係外貿協會睇餸食飯）。我叫佢做M啦。好快佢reply返我。傾左一陣左右就交換左wechat（因為唔洗俾人知電話number嘛好似），咁就轉左wechat傾。佢唔係成日覆既，但都OK既，一開始唔太為意佢，比其他人分散左注意力嘛，我覺得咁樣比較好。

我記得個日星期六啦，有另一個人話要傾sex，係到問我啲歷史、係咪處個啲，講左幾句我已經想cut佢線（個陣係wechat講電話既）。一路都有同M wechat，都有啲曖昧成分。傾傾下佢就問我星期日出唔出黎見下，我話OK（靚仔嘛）我提議去書局睇一睇買書個啲，我知佢應該係sporty個啲男仔，去書局應該會悶親佢，但都係照咁講。我問佢住邊，佢話佢住沙田，我想去觀塘間書局姐，叫佢係沙田過黎好似唔係咁好，佢又話OK，咁咪OK囉。於是約左佢第二日係觀塘apm等。我記得曖昧個陣我地唔知講左啲咩，總之佢就話要要爆我個嘴，我又話要咬返佢轉頭個啲。

到第二日，好緊張，因為睇過佢wechat啲相，佢話佢19歲，179cm高，感覺上perfect啊，直覺又無話我知會有機會中伏，我懷住緊張既心情去到觀塘apm。我wts佢，問佢著咩衫著咩鞋，佢話佢著唔知白色定黑色定灰色（我唔記得了），著黑色vans。我超級緊張但又唔太明顯地四圍望，終於...我見到個疑似既M既人出現左。

我屌！！真係靚仔啊！！！第一次約網友竟然無中伏！


一個高大又型又靚仔既男仔見到我，向我say hi....
係心心眼！

我見到佢個刻都諗左幾多野：喂屌大哥，你咁既樣唔洗上skout都大把女埋身俾你食啦，個look成個偽偽地abc咁，又高，個樣都靚仔，洗乜約我啊....玩野咩...

我地互相示意係對方之後就向住書局既方向進發。apm間書局係最上個層，而我就去左搭電梯唔係搭lift。點解？lift咁快到，想望多個靚仔幾眼都難啦，況且我大把時間，慢慢黎。

搭緊電梯個陣，一開始佢都好循規蹈矩既，無掂我。但搭多一兩條，我就feel到佢借啲二hi我，我係ok既，約得人出黎，我都預左會俾人抽下水，或者最後搞埋野。俾件樣唔掂你都會掉頭走啦係咪？繼續得即係OK啦。
再上多一兩條電梯，佢就唔單止借啲意hi我抽我水，仲擰轉我個人同佢錫，當街打茄輪。我屌，正撚到。佢記得自己話要咬爆我個嘴，但佢無真係咬，反而係我咬佢嘴唇先，佢個嘴唇好柔軟，好好錫。個下突如其來我真係成個人軟曬，仲feel到下面想濕。行行下佢又拖住我，我都無乜所謂，反正都慣左拖人，都唔覺得有啲咩，出黎玩我都明明地既呢啲野。
拖手、錫、摸身摸世，甚至搞埋野都好啦，都唔代表啲咩，呢個我都明既。



佢陪我買完書之後，我地就去左吉野家食飯，aa制既，唉是尻但啦又唔係俾唔起。

食完飯之後，我地都唔知去邊，佢就話不如去第二到，話想去太子睇啲單車用品（佢有踩單車既），咁咪陪佢去。係地鐵入面我都有攬下佢，又有哄個人埋去錫或者示意叫佢錫我，佢都有配合。

去到太子，佢帶我去搵間單車用品店。

【嘩呢到咁多時鐘既】你扮定真心唔知啊。。
【係wor，咁鬼平既一百二十蚊兩個鐘。】我留意到個招牌。




【咦，點解無左既間鋪頭。。】佢懶係一臉疑惑咁樣，而我留意到附近有好多時鐘酒店。 
【係咩】我扮曬唔知咁回應佢。
佢就拖住我係附近徘徊，但我留意到佢係一間時鐘酒店附近徘徊。
可能你地覺得我疑心太大，人地未必真係諗住卜野，OK其實我都係單靠佢之前所做既野估，而我直覺都話我知佢係真係諗住卜野既。於是我就問佢。。

【喂，其實你係咪特登係呢到行？】我特登問佢。
【下？咩啊？】唔知佢扮野定真係唔明/無心啦。
【我想講你一直係呢間時鐘酒店徘徊，你係咪想搞野姐？】我一向有話直說。
【係咩，定係你想咋】你想屈返我轉頭？我自己都未黎完m，
【我少少啦，唔一定要既。】fine，我認我真係有啲想既。
【咁上去唔一定要搞既，訓下教都得既。】我實信你啦M生。。。明眼人都知咩料啦。你真係咁安守本份先算啦，扮。。
【咁搵間乾淨啲既】訓又好、搞又好，都要乾淨架，最起碼睇落唔係污糟邋遢先啦。。

上到去禁門鐘，個啊姨問我地。


【租房啊？幾耐啊？】啊姨好有禮貌，同我想象中完全唔同，我以為啲啊姨會惡屎林dum。
【兩個鐘】嘩熟到你，肯定成日黎啦。