（有感情有甜）半年的我: 寂寞難耐4

個日卜完佢照樣送我去地鐵站，然後我就自己返屋企。之後個幾日都有keep住搵佢卜，個幾日其中一日，佢插插下停低問我....

佢：「呢種關係好咩？」
我：「呢種關係唔好咩？」
佢：「我想有個人陪下姐」
我：「維持呢種關係唔好咩？」
佢：「咁維持呢種關係囉，到你想先再睇下有無得進一步。」
我：「睇下點先啦，暫時呢種關係啦。」
佢點頭，跟住繼續抽插。一開始我都不以為然，但隨住跟住個幾日，佢不停暗示明示咁問我可唔可以做佢女朋友同佢一齊，我其實係唔想咁快又開始新關係，所以每一次我都拒絕佢，加上我知佢係一個player，我都唔太相信佢講真。
佢係嗰段時間不停講想我做佢女朋友，又送我返屋企又同我行街，最終有一次就應承左佢。唔知應承左第幾日，佢話佢要返大陸探佢啊爺，我咪又好天真咁做我一向做女朋友個陣會做既野，問下佢，關心下佢個啲，一開始都無乜嘢，佢都有回應到我既熱情，仲有用wechat同我video call，我見佢好似真係好有心咁，都真係慢慢跌左落去。唉，入世未深。



到佢返黎個日，我約佢食飯，但過關個到實在太多人，佢遲左成個鐘先覆我，個一個鐘我就不斷係商場行下，又時不時send msg俾佢，驚佢有咩事個啲，到佢覆我個陣我先鬆一口氣，但同時有啲炆炆地。因為我實在是唔中意等。
到我地見面個陣佢就話想返上屋企沖涼，但佢媽係到所以我就係佢屋企樓下等佢。沖完之後佢就帶住我去搵佢個fd，講左幾句就截的士返我屋企嗰邊食宵夜，又call左另一個住附近既fd落黎，其實我完全唔知佢做乜依家諗返起。

大約再過左一兩日左右，我 feel到佢越黎越冷淡，唔係好覆我，而我個陣已經踩左隻腳落去，對於佢既行為，覺得好心up。直至佢snapchat同我講話覺得自己都係未ready，覺得自己未玩夠，我真係覺得好hurt。

之後個晚我約左個fd好耐無見既，傾下計，咁啱佢又有感情煩惱，我地買左幾支白ice，一齊坐係後樓梯飲。（係mk既始祖，哈哈）
我wts轟炸T，打算問清楚佢想點。因為我係唔中意模模糊糊咁完結，我要知得清清楚楚，寧願痛都要知得清清楚楚。我wts打左好多野俾佢，我知佢有睇，但無禁入去，我一直講野直至佢藍剔覆左我，話佢覺得自己未ready，不如都係算。我本身由難受到真係喊左出黎。
佢話你一早都知我係player黎㗎啦，我一開始都有講過。
係，你係有講過，係我蠢姐，相信你所做既野，相信你啲演技。好一個演員。（btw之後我有諗我自己都有問題既，太容易就相信呢個人）


個下我真係心已死，好傷心。
我fd係隔離都係同我同樣心情，都係難過。只係佢喊唔出，而我喊左。我不斷同個fd講，無論一個男仔做幾多嘢都好，管接管送又好，送嘢俾你都好，做咩都好，都唔一定代表佢係中意你。朋友係隔離點頭。我見到我fd手有傷痕先知佢竟然係我唔為意之下攞住個樽蓋𠝹手，我頂。我即刻制止佢，媽尻佢。之後就打俾家姐搵佢一齊返屋企。


之後個一個月左右，我對所有野都好無感，成個人好頹，好唔開心，內心深處覺得好似所有野都觸動唔到我，個心猶如變左石頭咁樣。我以為我之後一直都會對所有野無感覺，唔會嬲唔會再次心動。我自己一個慢慢捱，捱過左個陣最辛苦既時期，我連最好既朋友我都無點提及過，只係草草咁將個結果講左佢知就算。

當我慢慢捱，過左大概一個月左右，我終於可以慢慢走返出呢個陰影，但對於感情都係覺得唔會咁快又對另一個人有好感掛。呢個時候，之前離開左我個個男仔朋友竟然走黎sc我，話同佢班fd嘈左交。我知佢唔係有事鐘無艷無事夏迎春個種人，而且佢之後一直都有好似以前咁keep住搵我，再加上，我終於得悉原來我估計無錯，真係T從中分化呢個男仔同我之間既友誼之後，我就更加無怪呢個男仔，將佢納入埋除左我死黨之外另一個都係交心講心事既zone。
因為佢出現返，加上我朋友無形既支持同埋自己既偽堅強。終於，我成功可以放低件事。打算重新開始，嘗試一啲未試過既野。

有晚返到屋企，醒起之前係某個地方睇故見到既交友apps，就貪得意down黎玩下...