「你會娶我嗎？」: Air Max 95

「喂，早晨阿潮」
 
「屌，好撚眼訓，輕鐵又迫，痴鳩線的。」
 
「哎呀，晨早流流，唔好講粗口啦，快d幫手搬野啦。」
 
班中另一個女同學，蔡佩茵，永遠沒有脾氣，成積優異，會考28分，只可以用四個字來形容「品學兼優」，老師眼中一等一好學生。同時，她有另一個身份，就是我的副社長。我在自己屬社當中擔任一個可有可無的崗位，宣傳幹事，校內的一切活動都是由老師安排，他們宣傳，試問我又有何重要？此外，我是prefect，成日要當更，根本無時間為屬社出力。
 
當大家都埋頭佈置場地，拉banner，擺放物資幾乎完事之際。
 




「大家搞掂未？」一把厭惡的聲線出現了。
 
「我遲左少少，大家搞成點？」再次追問，低沒有人回應「牠」。
 
「牠」就是我們的社長，校中出風頭之鬼，每年歌唱比賽都是「牠」表演的機會，肯心比起「卡啦之星」魯振順更大，今年我們又要受苦了。另一個我憎佢的原因就是假大空，好大喜功，仲有最大問題是他自命「情聖」，仿佛蒼生之雌性動物也為牠心動，甚是on 9。
 
我搞掂哂d搬搬抬抬粗重工作，同副社長示個意後，就回到自己prefect的崗位。今天我的工作逞要是在主看台巡來巡去，其實都幾「油」的一個崗位，總算周詠琳待我不簿，等我唔洗去吹風食塵。周詠琳就是我個的head prefect。
 
「喂，早晨呀，你食左早餐未呀？」
 




「咦，好野播，無遲到。」
 
「梗係啦」
 
其實sport meeting是一個中學生層面的時裝表演。因為當日不用穿校服，只需要穿上屬社pe衫，下身不是太過份通常老師唔會出聲，我就未見過有同學穿泳褲去陸運會。說真的，母校校風是不俗的，好歹都是屯門區的band 1 名校。
 
「咦，今日又著呢對鞋？抄人。」
 
「喂，得你有呢對鞋咩？」
 




「好啦，寡人批准你同本王情侶裝一日啦。」
 
Air Max 95，我是男裝，她是女裝。同樣都是原祖色。
 
「男子甲組200米決賽選手最後召集」
 
原本打算參加任何賽事，可惜最終都「姣婆守唔到寡」，最終200米入了決賽。
 
「加油，加油加油」啦啦隊不停在鳩叫，好很煩同嘈。
 
「ON YOUR MARK，GET SET GO﹗」
 
「嘭」一聲，我跑呀跑，跑呀跑，「咦，好似有D態，仲有力，仲有力，仲有力」
最終以第3名過終點。不過我我大腿不是我的。
 




在頒獎台，接過獎牌，互相祝賀，看來甚是虛偽，一個字「假」，長大後才知社會的鬥爭更假，更「人吃人」。
 
「喂，咁渣嫁，得第3 」一群女生連群結黨去廁所，當中包括與我穿同款鞋的人。
 
「你地點解咁鍾意一齊去廁所？」
 
「你入來睇下咪知law」
 
「費事理你，我換衫。」
 
「喂，比個獎牌我睇下。」當中缺少了「唔該」「可唔可以」「得唔得」呢d助語詞。
 
「嗱，比你。」接過後就一大班女人走入廁所。
 
比賽完後，抖左一陣，我又要企post，在看台上睇書，下棋是禁止的，但是，訓覺是批准的，十分可笑。




 
在看台上有個人不時同我有眼神接觸，但次次都是扮鬼扮馬，一時伸脷，一時單眼，一時扁嘴，但我都是以一個中指托眼鏡的動作回應。
 
「衰人，隊中指，仆街。」又係佢地一大班人連群結黨時候，當她經過我身邊的時候總要講一兩句。
 
「喂，我要食糖，你有冇？」
 
「冇啦啦點會有糖，你d同學無咩？」
 
「食哂lu，好悶呀，同佢地傾到無野傾了。」
 
「你家姐可能有，但佢響下面，你又唔去得下面，你又唔係運動員。」
 
「你同我一齊去咪得law」又一次比佢過橋。
 




「家姐，好悶呀，你有冇零食？」
 
「喂，你點解落左泥，快d番上去啦，你陣間又比人鬧呀！」
 
「佢帶我落泥呀。」一手指住我。
 
又一次施展屈人絕技。
 
「你唔好話人啦，根本你自己坐唔定」似乎家姐是一個明事理的人。
 
「好啦，我帶番佢上去。」
 
「車，夾埋蝦我。好，我走﹗」