「你會娶我嗎？」: 「係呀，咁唔講，拜拜，你都咪溫咁夜，蠢仔。」

「喂，做緊咩？」
 
「溫緊中史呀，唐代朝儀制度呀，星期五測呀。」
 
「而家先星期一，仲有幾日，溫左都唔記得。比著我，早d上床抖。」
 
「我無你家姐咁聰明。」
 
「咁都係，我地家族有優良血統。」
 




「係law，日日因為功課交唔齊，次次考試唔合格果D優良血統 law」
 
「你有所不知，如果我肯出多少少力，一定叻過家姐，只係d勤力因子同養份比佢響阿媽個肚時吸收哂，我就剩番聰明同靚d基因。」
 
「哦，係咩？」
 
「喂，你而家好敷衍丫。」
 
「喂，你早d訓啦，陣間又話訓唔夠七個鐘會燥底同有眼袋。」愛美，始終是女人的天性，其實我只希望將佢打發，快d背埋去訓覺。
 




「係呀，咁唔講，拜拜，你都咪溫咁夜，蠢仔。」
 
「拜拜啦，聰明族。」
 
由哪天開始傾電話，我已經忘記了。有時只講幾句就收線，但傾通宵講無聊野的次數也不少。在傾電話的過程中，我開始知道她更多的事，除了是一個極端自戀、整天滔滔不絕的十四歲中三學生之外，她也有不開心的時候，例如出暗瘡，被同班男同學取笑戲弄，因為成續太差被阿媽鬧，無錢去唱K，擔心無人喜歡她而煩惱。
 
年輕多好，日子天天都可以過得無憂無慮。