「你會娶我嗎？」: 「唔」、「走得未」、「去廁所」，仲有「搞撚錯」。

「你，出去果邊集隊。」其中一個被抽出的女學生，年初四表情，口中念念有詞。
 
經過我身邊走過時，隱約聞到一陣香味。「痴撚線的，返學噴香水，搞咩？」FF 撚上身。
 
訓導組老師會趁早會集隊乘機檢查學生校服儀容：頭髮並非黑色、配戴飾物耳環、化妝、校服裙過短，都會被抽出，一字長蛇陣排在訓導處門外。
 
「你今個月第幾次比我捉你染頭髮？你睇下你條裙？似咩？」
 
「唔記得。唔知。」斬釘截鐵的回應又不失霸氣。
 




「好心你學下你家姐，讀書叻，操行好，再係咁你唔洗諗原校升中四。」
 
「哦。」態度沒有改變。
 
中三女學生返學化妝，改短少少條裙，點解會被定性為一個壞學生？問題好大？唯一解釋是可能她自小已經明白「女為悅己者容」與「人靠衣裝」的道理。人吃人的社會，曉打扮，善用自己優點的人，總是有好處。
 
小息到教員A室門外罰企一星期，是她的懲罰。當時我我唔明罰企有咩用。
 
她，周念慈，中三D班。
 




 
「你企埋今日就完了。」
 
「唔。」一貫冷淡又不失霸氣的回覆。
 
由星期一開始，每個小息她都要同我報到。忘了介紹自己，我，游邦潮，中六文科班，亦是一個濕鳩prefect。諷刺的是，自少我好鄙鳩視d perfect，覺得佢地渣住雞毛當令箭，但沒有想過原校升中六，因為太少男生的關係，比人點左相，自己都成了別人眼中的鳩撚屎屎之流。
 
每個小息只需要看管一個犯校規學生，是一份優差；但我卻被指派這個工作，真是sad撚到震，因為我無哂時間去食早餐同埋痾屎。
 
星期五的第一節小息，她報到後如常站在教員室門外，在這個只有兩張a4紙大的範圍，就似一個露宿者在天橋底用紙皮雜物建立的地盤，任個人也不得進入，來者殺無赦。




 
過去4 天總共8個小息，她都對我態度一般。總的來說是沒有講過任何一句多過3個字的說話，「唔」、「走得未」、「去廁所」，仲有「搞撚錯」。
 
「古之學者必有師。師者，所以傳道、受業、解惑也。人非生而知之者，孰能無惑？惑而不從師，其為惑也，終不解矣。」當時我正在背韓愈《師說》，其實中國文學呢科都好撚無聊，咩都要背，總之背，背就是硬道理，考A-level的時間又鳩，人地走撚哂，我仲要寫寫寫。
 
我知道自己在背書的時間偶然會出現「高潮眼」，旁人看來應該可以大力恥笑，如果當年高登流行，我一定比人post上吹水台，底已起。正當我「賓紛樂緊」的時候，她拍了我一下。
 
「喂，我好肚餓，可唔可以去買野食」
 
「er……」正當我比佢殺個措手不及，比唔到反應之時，佢又講，
 
「不過你都係話唔到事」
 
當年我雖然只是寂寞的十七歲，男性原始的自尊已經由青春期的雄性激素喚醒。居然比個中三女學生羞辱我話唔到事，可以算是其恥大辱，so 9 sad之餘仲有好撚 angry。
 




「你要食野，我可以比你去買，但你一行開，d 阿sir 一定知」裝腔作勢mode已啟動。
 
「咁不如你幫我去買，咪冇人知law」
 
就係咁，我地第一次有內容的交談，她亦如願食左咖哩魚旦同埋飲左支熱樽裝維他奶。
 
當年我轉數極低，根本唔識還拖，就係咁用左8個半，我們就是如此認識。她的香味，依然存在。當時是1997年，香港主權回歸祖國3個月。