[傷感愛情] 無語問蒼天: 第三十章 - 情況危急

已經無見偉倫好耐, 唔知佢而家嘅情況會係點? 但當諗到自己比佢撞到同人開房嘅時候, 淑嫻心內即時又再感到一片無奈, 唉, 偉倫又點會明白到佢呢番苦衷咁呢? 今晚, 淑嫻又再如常番去另一間夜總會度工作, 房內, 幾個女仔正招呼住緊一班西裝友。

「喂, 國宏, 收到風你條舊女好似跟左朗奴陳果邊條靚仔喎!」 「條靚仔咩料呀? 咁有無我地宏哥咁掂先?」 「唔係喎, 條靚仔呢期都好似好紅吓咁, 朗奴陳近排幾個大 project 佢都有份跟過喎!」 「但條舊女而家跟左對家公司啲人, 咁宏哥真係又好似無咩飛士咁喎!」

國宏一面不屑咁, 「佢有幾紅呀? 講到佢好似天上有地下無咁, 挑, 有機會我都想會一會佢, 睇吓佢而家著我對舊鞋著得舒唔舒服咁, 係呢, 你知唔知條靚仔叫做咩名呀?」 「好似係設計推廣部個主任, 叫咩…咩…張偉倫喎!」 淑嫻聽到之後即時大驚。

國宏飲左啖悶酒之後, 「宏哥, 無野吖嗎?」 國宏開始有啲動氣咁, 「愈諗就愈慶, 係呢偉明, 你老細朗奴陳間公司最近好似想做響個朵咁, 而家佢仲話聯同幾間公司合作正部署緊投南區塊地咁, 你收啲風堅唔堅架?」偉明答住,「宏哥, 我響佢公司做左咁耐, 雖然呢壇野我就無份參與, 但收到風好似佢地已經聯絡緊啲判頭公司傾緊啲基建項目同入則嘅事, 似乎好似至在必得咁喎!」

「咦, 唔係喎, 宏哥你老細好似都有份投呢塊地過喎, 咁呢舖….咪又同朗奴陳佢地打對台!」 國宏跟住再講,「聽測量行占士汪講, 塊地估到十三憶度左右, 如果起埋別墅, 計埋地價保守估計起碼都要賣到成過六萬蚊尺, 但而家個市前景有啲唔明朗, 一加起息上黎個市就撐唔住, 但佢地又好似好有信心咁, 所以, 呢壇野我就真係睇極都唔透嘞!」



擦鞋仔講笑咁講, 「唓, 橫掂佢地都係至在必得, 咁就算你老細投唔到, 都起碼幫手朗高個價, 等佢地要買貴地都好呀!」 國宏無出到聲, 靜左一陣跟住突然就再開口講, 「Tony, 我愈諗愈唔順, 我想搵人揼七條仔, 等條衰女知道飛左我之後, 佢再識啲仔係幾咁削咁!」 「無問題啦, 宏哥, 呢啲小事就等我幫你搞掂佢嘞!」

「喂, 唔好再講啲掃興野啦, 冷落哂班靚女添, 喂靚女, 蝦, 對波都幾彈手咁喎!」 擦鞋仔邊搓住人對波, 邊再同坐響對面正比國宏攬住嘅淑嫻講, 「嗱靚女, 宏哥條舊女就跟左佬, 今晚妳就做住宏哥條女先啦, 嗱, 比個心理準備妳, 我地嘅宏哥碌野好勁架!」 淑嫻聽到之後即時同國宏講, 「老細, 唔得呀, 人地今晚….撞紅呀, 所以今晚最多只係做吓金魚咋!」

已經心情唔好嘅國宏, 聽到淑嫻咁講, 即時就發晒爛渣, 「(下刪一千字粗口) 姨媽到妳就咪撚番工啦八婆, Eva 媽點帶女架? 比啲金魚我黎養呀, 仆妳個街!」 國宏講完就一巴聲埋去淑嫻塊面度, 媽咪知道左之後好快就入左黎房內, 「老細老細, 唔好咁嬲, 我即刻換個另一個靚女入黎陪你吓, 今晚啲酒水就入哂我數, 淑嫻妳過黎先, 快啲出番去啦, 出去呀, 咁多位老細, 唔好意思, 唔好意思!」

面上仍刺痛住嘅淑嫻, 正急住要打電話通知偉倫, 但呢個時候佢部手機居然就無哂訊號, 正一面焦急嘅淑嫻開始跑出夜總會外繼續試試, 死啦死啦, 愈急就愈亂, 仲係無訊號嘅, 快啲啦, 淑嫻正響街度亂跑住, 仲係無嘅, 試吓對面馬路先, 淑嫻一便急到衝住出去, 呯一聲, 淑嫻就已經比一架名貴房車撞到, 手上嘅電話亦同時飛左開去跌爛左, 房車司機見狀即時就落車視察。 

正撻左響地嘅淑嫻仲好緊張個電話咁爬住去執, 「小姐妳點呀? 妳隻腳流緊血喎!」 淑嫻執番個電話之後, 「死嘞, 個電話跌爛左添, 唔著嘅, 咁點算呀? 點算呀? 先生, 麻煩你可唔可以借個電話比我, 我有好緊急嘅事要打電話比個朋友呀!」 



房車司機見淑嫻咁緊張咁, 跟住就遞左自己個電話黎比佢, 淑嫻已經好心急咁襟住電話, 手指按到第三個數目字之後, 手機上嘅屏幕已經顯視住偉倫個全名同個完整電話號碼出黎。 

淑嫻望吓呢個司機, 「咩你識偉倫架….?」 車上司機位旁有個女仔亦行落車度問住, 「朗奴, 個女仔有無事呀?」 「倩宜, 佢好似撞傷左隻腳, 妳而家幫我即刻打電話報警先啦!」
 
第三十章圖述
 


淑嫻心內正擔心著偉倫啲安危