[傷感愛情] 無語問蒼天: 第二十四章 - 誠心道歉

「Hay girl , lets us help you….」 詠欣酒醉都有三分醒, 「Don’t touch me, leave me alone ….」 老外們已強行拉住詠欣正向住士丹利街方向行落去, 眾人正諗住截部的士再夾埋詠欣上車之後就走人, 四個人正邊行邊拉拉扯扯住, 而詠欣就不斷係咁高聲呼叫住, 剛好眾人行到我間酒吧嘅路前, 我見到咁係詠欣響度嗌住, 跟住就諗都唔諗即時就飛身上前阻止。 

「Hay, She is my friend, get away from her…」 我推開啲老外, 但啲老外又再捉番住詠欣, 我再大聲嗌住, 「Hay come on, I knew Chinese kung fu, would you like to try it…..」 我作左個攻擊狀, 幾個老外正望住我黎笑住, 「Chinese kung fu, is it a joke? Hay come on, show off your Chinese kung fu…」 老外正在挑釁住我。

死老外吖, 好, 睇住黎, 「五型拳之…小龍問路, 曱甴…」 我起腳踢啲老外, 但佢地就閃得好快, 「再黎, 大龍擺尾…我淒…」 踢得好肉酸, 但又再比佢地避開左, 「降龍十八掌…我呵….」 我自己響度扎住個馬黎係咁呵住, 啲老外望住我, 正響度研究緊我響度呵咩鬼, 「降龍十八掌…降龍...」 突然佢地一齊衝住埋黎就揼我, 嘩, 仆街吖, 金鐘臂我擋, 我擋, 呀, 中左一野添。 

屌, 唔發火就當我係病貓, 跟住我就同呢幾條醉貓響街度係咁互揪住, 但我地就似打師奶拳多過似真係打架咁, 突然, 我比人用力推開左, 呀, 係詠欣, 只見詠欣響三個老外面上各人打左一大巴掌, 「Don’t fight my friend, get out….」 嘩, 滅絕師太呀, 詠欣正怒啤住三個老外, 幾個老外開始知難而退, 呼, 走哂, 搞掂, 曱甴…., 詠欣正斜斜地眼咁瞄住我。 

雪雪, 揼到我吖, 隻手仲瘀哂添, 我坐左響老蘭街頭邊, 正葉高兩邊白恤衫袖視察緊啲傷勢, 詠欣就單腳跪住響我嘅側邊, 「點呀李小龍? 打到成隻蛤蟆咁, 唔識打就咪學人強出頭啦!」 我望住身旁嘅詠欣, 咦, 佢件恤衫領口粒鈕唔見左咁嘅, 定係頭先同啲老外拉扯果陣時整甩左都未定嘞, 胸口位置正翻開左咁望到入面個 bra 添, 詠欣知我昅到野, 跟住見佢即時用手就掩住個胸口位置。



我收起笑容, 跟住就好認真咁同佢講, 「詠欣, 上次我唔知道妳媽媽嘅事, 所以我先至會對妳講左一啲傷害嘅說話, 詠欣, 我而家就正式咁同妳道歉, 對唔住!」

詠欣聽到之後, 見佢正面無表情咁企左起身, 企左一陣, 跟住佢就轉身開始向住斜路下面行左落去,  我慢慢爬番起身, 跟住就一路係咁跟住佢尾, 「詠欣, 詠欣….」 已經追到鏞記前啲嘅時候, 但我就掛住追女, 就連地下有一級樓梯都望唔倒, 一吓突然仆街, 「吖, 好痛呀….雪~ 撞撚死我嘞, 我屌….痛到仆街, 搞撚錯呀, 咩路黎架? 雪~ 痛….」

我摸住撞親嘅額頭跪響地上典緊, 正仲頭暈暈之際, 一隻柔軟嘅玉手突然伸左過黎攙扶住我, 一把動人嘅聲線正響我耳邊度響起, 「你仲有無論盡啲呀? 點呀? 你有無事呀?」 我捉住手臂上嘅手咁企番起身, 我仲頭暈暈咁望住眼前正扶住我嘅人, 「啊…詠欣咩係妳呀? 詠欣….妳…唔好再…嬲我啦…好唔好呀?」
 
詠欣面上有啲驚恐咁嘅表情, 跟住佢就指住我個額頭黎講,「你…你額頭流緊血呀….」
 
第二十四章圖述
 



 
詠欣對偉倫似乎有點兒軟化的跡象