弊家伙，閻羅王唔見左!: (二十六)

(二十六)
史努比做好一切準備工作後，便把繫在紙紮狼狗的金色小線放在口中，有點含糊不清地道:「陣間我會點著個紙紮驅體，咬實條線，點都唔好放口呀!」

史努比說罷便施展出火焰咒，左手輕輕一揮，三點火光在半空盤旋了一圈，便馬上分別向三件紙紮驅體飛去，瞬間在三件紙紮驅體上燃起詭異的藍色火光。

紙紮驅體就像蛻變一樣，火光所到之處，紙張馬上化成皮肉，漸漸形成像真度本高的花貓、狼狗和蒼蠅，唯一不足之處就是欠缺生氣。

火光慢慢由紮品蔓延至金色小線，一路向各人的嘴巴燃燒過去。當火光到達唇邊時，三人就突然失去意識，昏倒了過去。

同一時間，狼狗率先以兩隻後腿站了起來，史努比果然是三人中咒術上水平最高的一位，能夠以最短的時間駕馭這新的身體。





我搖搖食指，道:「No，旺財!唔可以用兩隻腳企係度架，Sit!」

史努比先是乖乖的坐下來，但旋即又向我撲過來，狠狠地張開大口，似乎對我真把他當成是狗感到十分憤怒。此時，花貓亦伸了一個懶腰，慢慢開始活動身體，洛仔已開始掌握了操控的要領。

倒是牛五悟性最低，花了近十分鐘才能拍拍翅膀飛起來。事實上，九叔都說過牛五在咒術上真的沒有天份，雖然以戰力論不亞於九叔、史努比等人，但就只有蠻力比較出眾。

三人按預先分配的地點前去，進行偵查工作。而我則悠閒地吃著下午茶、看看雜誌，準備渡過這愉快輕鬆的下午。

誰不知才吃了一半，牛五突然從座位上彈了起來，邊拍著自己的屁股，邊大叫道:「吽，好熱，想辣死牛咩!」





我皺著眉頭問道:「牛五，你搞咩呀?」

牛五尷尬地笑道:「嘿，頭先飛飛下，聞到陣奇怪嘅香味，咁我跟住陣味飛埋去啦，冇耐就見到一陣藍光，我就好似被佢迷住左，成身都輕飄飄咁。跟住突然聞到陣燸味，仲聽到霹靂啪喇嘅聲，我先清醒番，發覺自己成身著哂火，之後就翻左黎啦!」

我沒好氣地道:「醒啦，做烏蠅喎，依家第一個收皮啦!」

牛五為了掩飾內心的尷尬，只好從口袋拿出一支香，開始吸起來。我有點不滿道:「屌，又係紅雙喜，仲要係Double Espresso，都叫你唔好食咁重口味架啦，搞到好大陣牛騷味!」

牛五不好意思地道:「吽，食慣左嘛!」





此時，史努比也突然從座位彈起來，只見他臉頰間泛起兩道紅暈，正緊張地喘著氣。我忙問道:「乜你都咁快番呀?又咩事呀?」

史努比半羞半怒地道:「屌，仲好講，最撚衰都係你!我比隻發情狗公擒呀，你老味!我咁大個仔都係係第一次咋，諗番起都打冷震。好整唔整，整隻狗乸俾我，明陰我姐!」

我快笑得從椅子掉下來，道:「冇計啦，整狗乸可以整少啲野，慳水慳力嘛!咁有冇料到呀?」

史努比繼續鬧脾氣，道:「可以有咩料姐?一去到大角咀個場門口，就見到隻狗公，好彩有條狗帶綁住，唔係渣都冇得淨!」