弊家伙，閻羅王唔見左!: (二十五)

(二十五)
史努比解釋道:「御屍術喺古埃及主要係班貴族用，將啲屍體變做唯命是從嘅奴隸或者冇血性嘅戰士，算係一重高級咒術，而高手更可以同一時間控制數以百計，甚至千計嘅屍體!」

「要你地用呢種術當然冇可能，好在我研發左阿凡達之術。呢種術嘅好處係易用，基本上唔洗學!不過缺點係要犧牲左施術者嘅活動能力，施術者會陷入昏迷狀態，亦都只可以控制一個驅體!」

我點頭道:「咁我開始紮啦?紮人?」

史努比搖頭道:「我就建議唔好，始終人嘅話比較礙眼，唔小心打草驚蛇就唔好啦!」

我思考一會，道:「咁呀!一係整隻狗比你啦!放心，最多整狼狗啦!」，史努比想一想，還是點頭同意。





我邊紮邊道:「牛五、洛仔呢?」

洛仔笑嘻嘻道:「嗯……我比較鐘意貓，就幫我整隻貓啦!」

牛五不屑地道:「吽，你地都唔用下腦!最方便偵查緊係烏蠅啦，細細隻捐窿捐罅都冇問題，又唔易被人發現!」

我笑道:「係啦，至撚醒係你!咁我整咩好呢?」

史努比揮手道:「你唔洗啦，我地四個都施術嘅話好危險，大家都昏迷左，有起事上黎點算?偵查嘅野你識咩呀，留番喺度護法啦!」





雖然被史努比搶白，我並沒有任何不快，反因為樂得清閒而十分高興。

才一眨眼的功夫，我便把三件驅體完成。史努比在三件驅體上，分別繫上一條金色小線，另一端則讓洛仔和牛五放在口裡。

有別於平常的施法，史努比邊圍著三件驅體邊「嘩啦啦」地唱歌邊手舞吹蹈，甚至突然做出一些跪拜的動作，感覺像是獻祭多於施法，感覺非常詭異。

後來聽了史努比的說明才明白是甚麼一回事，因為阿凡達之術源於御屍術，故兩者施術的過程亦十分相似。

埃及的冥界中，經阿努比斯的天秤判斷後，有罪的亡靈會被一隻擁有鱷魚頭、獅子上身和河馬下身，又名為阿米特的巨獸所吞噬，被吞噬的亡靈則不能得到安息，永遠在阿米特的肚裡受苦。





而御屍術的施術過程本來就是一場獻祭，施術者會獻上阿米特最喜愛的食物，即只有在非洲尼羅河才能找到的銀灰色巨型龍魚。施術者會圍繞著巨型龍魚載歌載舞來取悅阿米特，希望阿米特能多吃一點龍魚。

阿米特為了吞下更多的龍魚，只好先把肚內的亡靈吐出來，而這些亡靈因為長期困在肚胃內受擠壓、折磨，而失去了自我意識，很容易被人控制。阿米特吐出亡靈時，施術者便會趕緊收集起來，並把亡靈注入屍體中，使屍體成為他的僕人。

而阿凡達之術則是讓施術者的三魂中的主魂暫時離體，並放入預先準備好的驅體中來活動，就像電影中的阿凡達一樣。