弊家伙，閻羅王唔見左!: (二)

(二)
「特…特…特別新聞報道，過去一小時，本港多處出現大量鬧鬼事件，警方呼籲市民除非受到鬼嘅襲擊，如果只係遇見……」

電視上的記者，在數十隻鬼陪伴下報導新聞，可真不易。他已經是第三位暈過去的記者，他已經算是表現不錯了。

第四位是一位年輕的女記者，看起來才畢業沒多久，也許是初生之犢不畏虎，反而是最鎮定的那位。

「抱歉，由於本台亦出現鬧鬼事件，以致新聞報導一度中斷，本台向各位觀眾致歉。現場消息，香港特區政府、澳門特區政府及地府第十一殿現正舉行聯合記者會，我地一齊睇睇現場嘅情況。」

記者會的中央，坐著三名男子，兩旁的是香港及澳門的特首，正中間的是一位穿著唐朝官服的男子。





那男子一臉倦容，以略帶沙啞的聲線道:「各位香港同澳門嘅市民大家好，我係地府第十一殿代理閻羅王、城隍爺張柬之。相信唔少市民，喺十二點之後都有撞鬼嘅經歷，為此本官向各位市民道歉。」

城隍爺說罷便站起來，走到台前跪下來，行了一個大禮。雖然還不是太清楚發生甚麼事，至少市民對城隍爺的觀感很不錯，畢竟肯承認錯誤的官員平常是很少見的。

城隍爺回到座位，繼續道:「嗯……以往陰間同陽間能夠河水不犯井水，全靠一道結界，將陰間嘅能量限制，令到一般人見唔到鬼、聽唔到鬼講野、感受唔到鬼嘅存在，而12月21號就係結界效力消失嘅時間。」

「本來只要第十一殿嘅閻羅王修復結界就唔會有問題，不過一個月前閻羅王狄公佢失左蹤，至今仍下落不明，所以出現左依家嘅局面。」

此時，竟有記者敢發問，道:「咁點解唔搵其他十殿嘅閻羅王協助，暫時代替十一殿閻羅王修復結界呢?」





城隍爺搖頭苦笑道:「因為跟據基本法，香港同澳門實行一國兩制，負責內地事務嘅地府十殿係唔可以干預特區嘅內部事務。」

記者會場內嘩聲四起，以示對地府官僚制度的僵化不滿。

此時，香港特首輕咳一聲，示意有話要說，道:「結界係短時間內唔會修復好，陰間同陽間無可避免要共存一段時間，為左應付呢個局面，特區政府會推出一系列嘅臨時法律同措施，希望市民可以合作。」

特首繼續道:「暫時有兩個主要措施推出，第一係香港同澳門會進入戒嚴狀態，直至另行通知為止。第二係所有同陰間有關嘅行業，包括殯儀、驅邪、紙紮等多個行業都將會納入政府編制內，由政府統一處理。」

我本還陷入「百鬼夜行」帶來的震驚中，但聽到有關生計的問題，稍稍清醒過來，按捺不住大叫道:「唔撚係掛，咁我咪失業?屌，唔知有冇肥雞餐呢? 政府肯賠番十個都偷笑，唉……」