【食勻亞洲】上天堂前要食過的五條女: 四) 迷失在這埸MK遊戲

幾經辛苦終於等到DSE成績出嚟,仲記得想當年第一次DSE放榜拎完成績表之後, 撞到平時好撚乞人憎嗰個19阿sir。
 
想當年佢見到我黑曬面,仲笑笑同我講:「點呀阿默, 我知你不嬲都叻仔嘅,入大學無難度喇今次。呀係喎,聽講你地商科班好多同學仔中文都失手,真係有啲可惜...不過唔緊要啦,即使今次失手,下年再俾心機啦,唔緊要嘅,老師一定會好俾心機再教你地架,下年咪再努力過囉」我對住條教畜苦笑一下就行番屋企。
 
但今次唔同, 我拎住嗰張薄薄嘅淺藍色成績單,充沛嘅陽光慢慢透入黎課室。我撳實中文個成績慢慢咁樣一隻兩隻手指咁移開,終於見到我中文聆聽個成績。
 
「係4呀,overall level 5,Yes!」我大叫左一聲,拎完張成績表之後,即刻跑番屋企衝過去攬住阿媽,係到喊「你阿仔我終於得咗喇!」
 
如無意外,我嘅人生應該從此改變。
 




Jupas 放咗,雖然唔係三大,但終於入咗大學,完咗一個曾經嘅遺憾。
 
話咁快就黎到迎新日,我從來冇諗過自己竟然可以用大學生嘅身份踏入大學校門,不期然有種感動,呢一種感動係我曾經夢寐以求嘅。 正當好多人都講話周街都係大學生嗰陣時,佢哋有冇諗過其實做唔到大學生嘅人係幾難受?
 
但喱種感動好快就無咗。我一入到去,見到一大堆MK仔喺度揸住啲o camp 同舍堂嘅宣傳單張,班友個頭染到彩虹色咁。
 
「識住一定係住傲然堂,搵食開p有排忙!」 一條MK加執綠色瀏海真係唔知做乜鳩。
 
「臨恩堂係女宿黎架,想靜靜地無人嘈生曬一定住臨恩!」頭先條MK睥一睥隔離講野個女仔。
 




「入黎join我地中o 喇,有組媽放題呀!」有個滑頭小MK係到亂噏,但隔離個女仔有幾分似Heidi拍一拍佢「頂你咩!」係到笑唔停。跟住條MK話「你有得頂咩!」
 
呢一刻如果我係明光社,肯肯定會屌鳩啲人不知廉恥,我亦都終於明白烏大龜「Entering university is MK behavior」點解,係呢個moment有好深刻體會。
 
望住一大堆MK仔喺度大叫大嚷,仲有啲著住熱褲小背心,打扮得一啲都唔謙虛嘅MK妹企左係度拉客,睇怕大學真係MK同淫娃嘅聚集地方。
 
「但係作為大學生嘅一份子,我一定要融入呢一度!」我係個心同自己講。