【食勻亞洲】上天堂前要食過的五條女: 二)轉捩點

通常喱啲野都係柒開有條路。過左一陣，有個有個金毛MK仔行過嚟，拎住個豬柳蛋漢堡，掀起塊豬柳,跟住佢話: 「成半隻烏蠅係入邊喎家陣,你哋咁大間老麥,係咁而都要賠返三五七舊黎啦！同我叫你地個木嘴經理出嚟！」
 
咁啱嗰陣時經理又唔喺度,我嗰日心情又唔係咁好，就對住條MK臭飛大喝一句：「呀！你老板呀，半隻烏蠅喺度嘈嘈幣，都唔知係咪你自己擺落你屈我地錢!」
 
咁就同個客嘈起上嚟。嘈到經理番到黎擺平事件,個客R到賠償仲拋左一句係到攞尾彩:「抵你條垃圾一世喺度炸薯條！」
 
我成班part-time呆企係到望住我,我好撚嬲,總於忍唔住將夾住半隻烏蠅個包一野揼掟去佢塊面到,後尾大家都應該估到,我之後俾經理鏟到上天花板,叫我停工半個月休息一下,叫我自己返屋企反省一下。
 
當我諗起,自己其實已經廿幾歲,當身邊嘅同學已經讀完大學出嚟做野或者一早已經走去做差佬消防員,我竟然企係到砌包炸薯條。
 




當大家都話香港人係因為有獅子山精神所以先有發達嘅,但我咁落力做野,每個月都係唔過萬四蚊,我好似睇唔到將來究竟有乜嘢出路,同係呢個世界有乜嘢野值得留戀,於是停工第三日,我自己一個人走咗入去藥房買咗支霸王,但係我並唔係攞嚟洗頭,係打算自盡。
 
我拎支霸王喺廁所嗰度一口氣灌落去,加多2粒安眠藥,冇幾耐就暈咗。
 
到我醒返嗰陣時,已經發現周圍漆黑一片。
 
然後過咗一陣,有把聲傳黎我耳邊:「大膽! 見到閻羅王仲唔下跪!」
 
我不明就裏,就抬頭問:「你係邊位呀?」
 




然之後就見到一個大概有八九呎高嘅物體企我面前。
 
「屌!」我成個人嚇到趴咗係地下,因為我面前隻怪物係無樣嘅,個樣係模糊混沌一片。
 
過咗大約三秒,一陣徐徐嘅腳步聲靠近,我擰轉頭一望,有個人着住成套西裝大約六尺高嘅男人插住個袋,行過嚟我身邊,然後伸出一隻手「你無事呀嗎?你係阿默?」一個有幾分俊俏嘅韓系美男子望住我。我捉住佢隻手起番身,然之後佢慢慢開口講:「你好,我係閻羅王。」
 
大概我細個睇得太多CCTVB啲膠劇,覺得閻羅王一定係英明神武,氣宇軒昂,係一個老成持重嘅look,點會係我眼前喱個韓系MK呢?
 
「你覺得我個樣好MK咩?」我成個人呆左,大檸樂,條友仲識讀心添!
 




「唔係嘅...err...即係我呢...只不過無諗過...err...閻羅王會係咁後生咁靚仔啫!以為閻羅王應該都一把年紀架嘛」我把口當堂窒過陳家珮,但見到閻羅王佢面上泛出一絲暗爽嘅笑容,我都安心啲。
 
「哦, 我係閻羅王第一百二十五世,每五萬年要欽點下一世接班人。」原來落到地府都係無普選嘅我屌。
 
「Btw,我想問下我係唔係死咗架喇?」落埋地府,睇怕都已經到咗人生嘅盡頭,咁就走咗,真係有啲唏噓。
 
「唏咩噓呀你自殺架嘛」隻怪物,應該係牛鬼蛇神,原來都識讀心。
 
「咁呀,同朕check下佢係唔係陽壽已盡。」牛鬼蛇神一臉疑惑,一面掀住本疑似生死冊。
 
「Erm...Erm...佢應該...Erm..仲要經歷五段人間姻緣先至黎...」
 
即係我仲有五條女要食?咁益我?