【少甜，非甜故】為左變性，我唯有做雞。: 第四章 醉 (12)
我閉上眼睛等待浪漫的發生，卻沒有碰上預期中的熱吻。
「如果你唔係我病人既話，我岩岩就一定會錫左落去。坦白講，其實我都幾想同你做愛。」
原來是我會錯意了。但把他說的話在心裡默念多一次，又好像是個讚美。
又或者，他只是個任誰都會上的Party Animal。
想著想著，頓覺滿臉通紅，我馬上舉起水杯遮著視線，以及為自己降溫。
「你早啲休息啦，無咩事我走先啦。」
「吓而家幾點？仲有無車架？」
「一點幾啦，我可以搭的士返去既。不過你有無恤衫可以借比我？」他搔著頭皮問。
「有你都唔岩著啦，你咁大對波！」
「唓我又唔係問你借Bra，同埋細都有細既好處架嘛。」他盯一盯我的上圍竊笑道。
「咸濕醫生！」我用被單蓋著自己，只露出十架吊飾以上的地方。「其實，我唔介意你借宿一宵。」
我不是想他留下，我只是不想他穿得這麽單薄。
「咁我訓梳化啦。」他作勢要從床上離開。
「你聽日要返工呀？星期日啵？」
「政府醫生唔係五天工作架，不過我聽日放假。」
「咁不如陪我傾偈囉。」
我移開身子，示意他靠過來與我並肩而坐。
「都得既。」他看來還不算太勉強。
「係啦，點解你隨身帶住盒咁勁既酒既？」
「咪都係因為你太索…唉…」
我完全跟不上他的邏輯。