【少甜，非甜故】為左變性，我唯有做雞。: 第四章 醉 (7)
酒吧內的射燈使人眼花撩亂，五光十色的幻彩為此處披上一層神秘的面紗。
「估唔到你會帶我黎gay bar。」
「咁我估你好多地方都蒲過，所以帶你黎個新地方。」
「多謝你既驚喜。」王偉明無奈地笑道。
「唔洗客氣。」我回敬一個可疑的笑容。
「你朋友睇黎唔知你變性既事啵？」
「係呀，我淨係同好少人提過。」
事實上，其他人看到我穿著中性也不會多加過問。
「啤酒同廿shots，仲有呢杯我私人醒既好野。」一個陸軍裝的男侍應送來酒水與花生，還把一支黑啤遞到王偉明面前即時開蓋：「靚仔，同我吹左佢！」
「吹呢支定你果支先？」
王偉明不忌諱地說黃色笑話，看來他真的不怕菊花不保。
「咪玩啦，呀雋話我聽你係直既，唉，真係太可惜啦。」他擺弄著蘭花手答道。
「飲杯！」王偉明仰頭一飲而盡，霸氣十足地把空空如也的酒樽倒轉置於頭上。
「猜枚，五枚識唔識？」說罷，偉明向我舉出一個拳頭。