【少甜，非甜故】為左變性，我唯有做雞。: 第四章 醉 (5)
「呀雋，我就到啦，你果間酒吧係邊到架？」
「我向地鐵站帶你去啦，你朋友到左未呀？」
「佢就快到架啦，你黎D2出口搵我啦。」
王偉明剛告訴我要遲十分鐘，都不知道他是在忙醫院的事還是下半身的事。
五分鐘後，一個穿著緊致恤衫的俊朗小伙子興奮地向我招手，旋即惹來旁人羨妒的目光。
「Michelle姐，好耐無見啦。今日著到咁靚既？」逸雋親暱地繞著我的臂彎。
「而家見好姊妹唔可以著得靚架咩？最近點呀你，練波忙唔忙？」
「呢個星期唔洗練波……啊…你做咩拍我個波呀？」逸雋嬌喘一聲，全因我我冷不防地大力拍他結實的胸肌。
「Sorry呀遲左到。恩兒，呢位你朋友？」後方傳來王偉明的聲音，不知道他是否因為逸雋的呻吟才發現我們呢？
「Hello，我地都係岩岩到。你…」
逸雋打斷了我的說話：「你好呀，我叫呀雋，點稱呼呀？」
他雙眼發光，嘴角上揚，肯定是在圖謀不軌。
雖說今晚我請客，但為了荷包著想，我選了一間有好姊妹有份投資的同志酒吧。祝你好運呀王偉明，誰叫你長得這麼英俊瀟湘。
「你可以叫我Oscar。」果然是見慣世面的王醫生，大難當前還是處變不驚。
「我地邊行邊傾啦，一陣我請你飲野。」
「今晚唔係恩兒請咩？」
「除左酒之外，仲有好多野可以飲架嘛。」逸雋不自覺地露出噁心的舌頭。
糟了，我好像沒有告訴逸雋王偉明是個直男。
算了，你還是自求多福吧。