【少甜，非甜故】為左變性，我唯有做雞。: 第三章 海 (7)

「張海欣，其實你鍾唔鍾意我呀？」我沒有回答，反而提出了另一個問題。

「緊係鍾意，你係我最好既朋友。」她迅速地答道。

「淨係好朋友咁簡單？」

「係最好最好既朋友。應承我，我地以後都要咁friend，有咩心事都要同大家分享。」海欣伸出尾指，我沒有猶疑地把她勾住。

「其實佢地鍾意點諗咪點諗囉，又唔會影響到我地既。所以，其實你都唔洗太介意。」天真的我說道。



「林恩兒，不如你講爛Gag我聽囉？」

「吓？」雖然我為人幽默，但要一時之間說冷笑話我又想不出來。

「係呀，Bikini Lam！」其實我真正的洋名是普通不過的Yan。

「嗯…國王既後花園，估一個地方。」公園內的告示牌使我靈機一觸。

「錦鏽花園？」



「er…唔係。」

「你開估啦。」

「京士柏，King’s Park。」我一臉嚴肅。

「cherrrrrrr…都唔好笑既。」

「咁呀，你合埋眼先啦。我變樣野出黎氹你開心。」



「你唔好行開dum低我一個啵。」

「知道啦。」得到我的保證後，海欣乖乖地合上漂亮的雙眼皮。

「喂呀，得未呀！」

「等等啦，就得架啦。」

我凝視著眼前的海欣，把甚麼校規禮節都拋於腦後，對準她的嘴唇，果敢地吻下去。

就像七年後的今天一樣。