【少甜，非甜故】為左變性，我唯有做雞。: 第三章 海 (6)
「果兩位仲要係唔少老師同學心目中既模範生，坦白講，I am very disappointed。重申，我地唔係針對校內戀，校長我都年輕過，明白男歡女愛情到濃時好難控制，但著住校服就要有我地學生既風範。著住校服唔可以不知廉恥，希望各位有所自覺，尤其係身為榜樣既兩位師姐。要記住，此風不可長。」
此風不可長五字言猶在耳，字字鏗鏘，就像我們犯了嚴重的校規一樣，好比殺人放火。
最令人無奈的是校長的指控並不屬實，我倆從沒有在地鐵站做過親暱行為，況且那時我倆初吻都健在，又何來「攬攬錫錫」之說？
正所謂好事不出門，醜事傳千里。
那天的不點名演說，其實已經影射勾勒出我倆的輪廓，加上同窗間的以訛傳訛，甚麼街場野戰，會室培慾的故事都編到滿天飛，海欣和我都感到無限委
屈。
「我地又唔係拍拖，就算真係拍拖又有咩問題啵？」同樣坐在月球表面上，中五的海欣清秀得多。