【少甜，非甜故】為左變性，我唯有做雞。: 第二章 診 (7)
要來的始終要來，如果那一晩我清醒一點，便不會提出用口幫他解決的要求，讓王偉明認為我要他幫我隱瞞重大的秘密。
相反，我應該像現在這樣裝作可憐。
「其實我都係迫不得已先要咁做。我好想快少少做手術，所以就想搵快錢，所以就出賣左自己身體。我係咪好蠢呀？」我用水汪汪的眼睛望著他。
「嗯，咁你用左咩方法去搵快錢，可唔可以詳細少少講我聽？」他報以我溫柔無限的眼神。
「我朝早著男仔衫返工，夜晚就換女仔衫去搵食，話就話做Part Time Girl Friend，事實上就咩都做，果日著得都幾性感，之後就遇到個變態佬，好彩有你出現，唔係我都唔知點算。」
「咁始終做呢行既風險都會大既，介唔介意話我聽點解你想咁短時間之內做手術？」
「因為我接受唔到自己係女兒身。」因為海欣快要結婚了，我時日無多。
「但係為左搵錢又要做女人。明明我唔鍾意男人又要比佢地屌，我覺得自已不男不女，真係好矛盾，好辛苦。醫生，你唔信我呀？」說到這裡，我已經準備好眼水了。
「我唔係懷疑你，我只係想搞清楚，唔想你後悔。係啦，你換返女裝既時候有無好唔自在既感覺？」
「其實都有，不過長痛不如短痛，為左盡快做手術，我可以忍。」我知道這個理由有點牽強，但我不可能坦白告訴他真相。
「你真係咁唔鍾意做女人？」
「Er...嗯...唔鍾意。」糟糕，我竟然在緊要的關頭失手了。