【完】最近我想追一個女仔⋯⋯: 融冰之時

原諒你，比南極跟北極相遇更難。



.

聯絡人名稱：哈比人。

.





「吓？咁就冇下文喇？」

.
.

「你係咪男人嚟㗎！夜媽媽都唔送個女仔返屋企！\ . /」

.
.





「就咩無啦啦講我⋯⋯」

.
.

「人哋都話唔再鍾意我咯⋯⋯咁我仲可以做啲咩喎！」

.
.





「佢寧願講大話都唔要我，就知佢幾唔鍾意我喇⋯⋯」

.
.

「嘩而家好勁喎！識得安慰返我轉頭喎！你自己同佢咪又係有問題！」

.

因為阿康和阿玲約會的事，我倆之間早已築起了一道高牆，我已無法再信任他。

.

但有時我想，有問題的人會不會是我呢？





.

因為從一開始，要求單獨約會的人是阿玲，而不是阿康⋯⋯

.
.

「我今晚就倒轉個晴天娃娃，聽日就劈X死你！」

.

可能哈比人是認真的，因為翌日天文台真的發了雷暴警告，天空竟比香城的政治更黑暗混濁。

.





「雷暴都要跑山？係咪痴線㗎！」Joe 仔行行下馬路忽然仰天長嘯。

.

本校的傳統非常多，除了陸運啦啦隊和聖誕sing con 以外，體育堂跑山也堪稱為趙中十大集體回憶之一。

.

我無奈地笑了一笑，便繼續往元朗公園的方向走。迎接我的是一個又一個的墳墓，我從來都想不通，到底是哪個天才想到在公園裡起墳？

.

風雨不改，沿途有你有我！

.





據說這就是體育老師老鄧的人生格言；而此話應用在體育堂跑山，竟有異曲同工之妙。

.

「各位同學！趁著而家仲未落雨，我哋快快手熱完身就開始喇！」老鄧扯著沙啞的聲線大喊道。

.

大家當然沒有他一樣熱血，只會懶洋洋地拉筋閒逛。百無聊賴之際，我偷聽到 Joe 仔 跟阿豬的閑談。

.

「喂你知唔知元朗公園呢度有個鬼故？」阿豬故弄玄虛道。





.

「老子甚麼鬼也不怕！你講喇！」

.

「傳說呢⋯⋯呢到曾經有個女人經過公園返屋企，嗰日個天好黑，前面條路好暗，呢個時候有個變態佬跳出嚟斬咗佢對腳⋯⋯個女人雖然好痛苦但係未死得住，所以佢一直爬啊爬，啲血跡就一直由公園流到佢屋企門口，但係好離奇地，佢嘅屍體憑空消失咗⋯⋯」

.

Joe 仔不以為然道：「車！咁又咩好驚啊？」

.

阿豬此時眼神變得閃縮起來，狀甚畏懼道：「恐怖就恐怖在，每當陰天嘅時候，喺呢個公園路過嘅男人都會聽到女人嘅喊聲，無論行去邊到都好，每行一步，把聲就會愈近，最後把聲就會好似喺你腳下傳上嚟咁⋯⋯直至你跳出個公園先會無事⋯⋯但係有時都會有人話見到個冇咗雙腳嘅女人喺地上面爬⋯⋯就好似⋯⋯搵緊自己對腳咁⋯⋯」

.

阿豬害怕得連聲線變得顫抖起來，Joe 仔卻賞了他一把掌說甚麼零分重作；但我已經起哂雞皮，只感覺心中涼了半截，極之後悔沒有壓抑自己的好奇心。

.

此時哨音響起。是起跑的時候了。

.

「好！各位同學各就各位！預備⋯⋯開始！」

.

一如所料地，沒有一個人像脫疆野馬般彈射而出，反倒是充滿默契地活像喪屍一樣頹廢跑著，散發出一種「廢」氣。

.

起跑的時候，阿康剛好就在我身邊。

.

「喂⋯⋯做咩跑咁慢？」他問。

.

「我鍾意。」

.

「哦⋯⋯啱嘅，體育堂唔使太認真。」

.

「嗯。」

.

自討沒趣的阿康之後沒再發話，卻一直在我身邊跑，只是我也不打算理會他。

.

缺乏運動的我步履艱難地拾級而上，可身邊的阿康卻輕鬆得連氣都沒喘一下；其他同學雖然也沒跑得快，但也已經領在我們前頭了，只剩下我們二人緩步跑著。

.

辛苦地跑完一個圈之後，我們又經過了那一大片墓地。

.

雖然正值中午時分，可是天空烏雲密佈，眼前的景色都被強行加上了灰色濾鏡，因此平日所見之物此時都變得陰深可怖。

.

就好像，垃圾筒裡會忽然跳出一隻沒臉的怪物。

.

就好像，坑渠深處的殺人小丑會陡地抓著我的腳跟。

.

就好像，地上會有個沒腳的女人呼喚我⋯⋯

.

「俾返對腳我啊⋯⋯」

.

「嘩！」耳邊傳來了詭異的聲音，我不敢回頭看到底有甚麼東西，只管以我生平最快的速度往前直跑！我甚至能感受到心臟激烈的跳動！

.

寒風劃過我的臉，周圍的景物不論是死是活的，通通都化成了一片模糊。我不知道自己在往哪裡跑，但我只想馬上立刻即刻離開這個鬼地方！

.

咔！

.

「咦？」

.

腳踝處忽然傳來清趣的聲音，然後取以代之的卻是一陣劇痛。

.

「嗚啊啊啊啊啊！」我抱著左腳失聲慘叫，痛苦得不斷在地上打滾，淚水不受控地流下！

.

我勉力睜開眼睛，才發現自己不知不覺間已跑到了樓梯口的位置，剛才是絆到了樓梯級嗎⋯⋯

.

我沒辦法再思考下去，因為痛苦已佔據了我的思緒。

.

「風！」我聽到有腳步聲逐漸變大。

.

「喂！你做咩啊？仆街啊？」這把聲音真煩人⋯⋯

.

「頂⋯⋯唔係仆街唔通曬太陽咩⋯⋯」我的眼睛終於聚焦到那人臉上。

.

「仲識講笑即係無嘢喇！」阿康露出陽光般的笑容。

.

我白了他一眼，續說：「你唔使理我⋯⋯我陣間自己行到⋯⋯」說罷，我卻痛得又大叫了一聲。

.

「行鬼行馬咩！我咩你翻 first aid 喇！」

.

「唔使你幫⋯⋯」

.

「而家冇人問你意見。」阿康沒有理會我的抗議，一把就將我扯到他厚實的背上，而負傷的我也做不了些甚麼，只好乖乖躺在他背上。

.

「我頭先嚇下你啫，你唔使細膽到即刻走佬仲仆街啊嘛？」我看不見他的臉，但我肯定他在恥笑我。

.

「Sor 囉，我柒啊得未？」

.

「哈哈⋯⋯」

.

可能是拗柴的關係，回學校的路此刻變得特別漫長，沉默的時間也相應地流得特別慢。

.

「上次嘅事⋯⋯好對唔住。」

.

我一直以為，如果我們再有機會說話，先說對不起的人會是他；但原來是我先忍不住。

.

「做咩突然講對唔住？」

.

「其實我諗下諗下，我又唔係阿玲邊個，你同佢一切出街都係為咗買份禮物俾我，而且又係你情我願。我嬲你，只不過係我唔抵得啫⋯⋯」

.

我原本以為，原諒你，比南極與北極相遇更難；但原來，我只是原諒不了自私的自己。

.

「唔係應該我講對唔住咩？我同你鍾意嘅女仔出街喎。」

.

「算喇，橫掂我同佢根本冇可能。你而家幫返我，咪當打個和囉！」

.

「你真係放得低？」

.

「我諗⋯⋯係啩⋯⋯頂你自己夠放唔低喇！」

.

「我嗰啲點同⋯⋯」

.

說著說著，原來我們已經走到了急救室門口。