- 原始島遊戲 -: 第八章 ‧ 系統漏洞

「大...大佬，我可唔可以入你地隊啊.....？」


我看了小清一眼，示意由他決定。反正要是他在隊裡有什麼動作殺了他可以，還少個敵人呢。


「............」

「當然唔得啦。」我身後傳來九叔的聲音。





「你老尾呢啲人渣咁對女仔仲想有人收留你等你有幾會衰多次？On9既都唔會比啦，小清咁單純有可能真係會比你個人渣入，但有我一日係呢隊入面我都唔會比你入隊。」九叔也是第一次說這種大義懍然的話。經他口中說中來有種說不出的違和感，但他說得很好。

我點頭同意，看過去小清那邊。

「九叔，我唔反對你讚我單純果句啊，但係我想比佢入隊啊，多個人做野都好嘛，同埋有你兩個睇住我我唔怕。」

「既然小清你都咁講，一於投票決定啦。」

「好！投票啦。」





然後他倆一起看著我。

「咁你地姐係推個波比我姐...」我撓撓頭，心裡衡量了一下。讓他入隊無疑是利多於害，最少是個苦力，有敵人時推他出去死也不錯，有什麼反對就直接踢他出隊，讓他自生自滅就好。

「喔...好啦，你叫咩名話？」

「吳升雨....」

『吳升雨已接受組隊邀請。』











『發現系統漏洞』

『由於隊員吳升雨擁有藏身點(E:5)，所以請隊長從下列兩項中選出一項』

『1. 刪除吳升雨藏身點並以隊伍原藏身點取代』
『2. 保留兩個藏身點，一切依舊』

「..............」還有漏洞喔？






我把兩個選項都跟他們說了，吳升雨一直在吵要選1要選1。

「你收聲，你冇發言權。」九叔看來很討厭他啊。

「2都唔錯啊...佢可以當哨站咁....」

最後又是要我決定..…

『1.刪除吳升雨藏身點並以隊伍藏身點取代。』

『增加規則︰只能對無藏身點的玩家發出組隊邀請。』這句應該是向全部玩家人發放的。


『由於發現漏洞，《創造者》獲得以下物資作補償 :





-戰馬 三匹
-鐵 約干
-抗生素 三人份四日量
-米 二十四斤
-習得技能︰騎術
-物品欄全開放
-藏身點提升至三級』




『由於《創造者》藏身點提升至等級三，開放以下功能:

-定位儀可探測半徑五百半內任何生物




-藏身點上限提升至兩個
-如一個隊伍擁有兩個藏身點，該隊員均能地圖上看到兩個定位儀之偵測
-隊內隊員可在八時後停留在任意屬於該隊的藏身點』


『如隊長死亡或離隊，將立即收回藏身點永久提升三級之補償』



當我們還在消化信息時，

「既然藏身點升左到3LV之後可以咁到底初初個選項要黎做咩.....」吳升雨突破盲腸。

「係喎....」





「同埋所有物資都好稀有啊，戰馬就一定唔會係本身係野地果啲先啦，分分鐘將來可能會用到黎打仗，話晒呢個島咁大唔通用行路咩﹔鐵，除左學到技能送，我暫時仲未見到咩方法可以大量咁提取﹔抗生素仲痴線，我地連成份都唔知更加冇可能整到出黎﹔米更加係人主要糧食，但係你地黎咁耐有冇見過米？可能真係有既，但要種一定要係島中心種囉。」聽著那人渣長篇大論，連九叔也覺得沒錯。

「仆你個街人渣你又講得幾岩。」

「喂人渣。」我看著一臉認真在說話的他。

「？咩啊」他應道。

「哈。」我笑了出聲。

「..........嗯？」

「你擔保自己唔會再做啲人渣做既野？」

「我保證。」

「好啦，人渣你以後就係我地既一份子。但如果你往後做左啲咩既話我一定第一個要你去死。」

「知道，隊長。」

看著他正經百態的，我又笑了出來。既然小清都沒有心存芥蒂，我也沒必要為難他了。


「........」

「小清，幫佢鬆綁。」

小清幫他鬆綁期間，我一直留意他。他也沒有了什麼不安份的眼光，暫且相信他吧。

「九叔，如果我話我地分開兩隊相隔500米一個營好唔好。」

我打算做個大約500至600米長的據點，在兩個藏身處外圈圍一個圍牆包圍著。外圍做多點木的通報器，這樣能收集的物資及視野都能共享。而且晚上走來走去都可以。


最重要是製造只有我跟小清兩個人的時間。


「好啦，我同人渣兩個人去揀個靚位起新居啦。仆街唔記得拎番支魚杆，寧仔你得閒幫我拎番啦唔該你，夜啲睇下點再搵你地啦，行啦，人渣跟我黎。」

九叔走後小清帶著疑惑的表情走過來。
「你開頭明明好似好憎佢咁架，仲咩無啦啦比佢入隊？」

「利用同埋試下邀一個已經有藏身點既人入黎姐，反正唔中意都可以踢左佢，同埋見係你幫佢講說話咋。哈哈。」我故意把殺字改成踢，怕小清會反感。

「下，我同你諗既野一樣咋，但直頭係諗住有咩做錯就殺左佢。」


我一呆，也是，




總不會有女生會接受一個才剛剛想侵犯他的人吧。