- 原始島遊戲 -: 第七章 ‧ 人渣

趕去小清那的同時我也拿出豬肉刀收左身後，以防什麼事件發生。

跑了沒多久就見到小清被一個男人死拉著，而小清一直用力免得被男人拉走。

我沒有說話，我一邊打量著他一邊慢慢走到他身後。

沒有武器，很好。而已衣衫都霉霉爛爛的。

然後我拿出豬肉刀從後單手摟著他作打劫狀。





「朋友，你對我既隊員做緊咩呀。」

「有....有事慢慢講啊大佬，小心你把刀....」聲音聽下去年紀像比我大一點的點而已。

「小清，綁住佢隻手。」小清照辨。

確定已綁住他雙手後，量他要逃跑也跑不到多遠，我便收起了刀，站在他面前。

「你叫咩名，幾多歲，點解會係度，你識佢(小清)？做咩要對我隊員郁手？你其他隊員係邊。」





「佢就係我原本個隊友.....」小清說。

「哦？你就係果件禽獸。」

「唔係啊唔係啊，果時一時糊塗先...先做左啲咁既野咋。」

「啪！」我甩了他一巴。

「答我問題。」我像是變了個人般。





「係...係，我就係果件禽獸。」

「啪！」「你未答晒我既問題。」

「我叫吳升雨，喔...喔....對唔住大佬我唔記得左你問咩....」

「啪！」「我問你叫咩名幾歲。」

「啪！」「點解會係度。」

「啪！」「你點識佢。」

「啪！」「點解仲要對我隊員郁手。」

「啪！啪！」「最後一條，其他隊員係邊度。」





「唔好再打唔好再打..我答我答。」

我正想再甩下去時小清抓住了我。他差不多滿咀都是血了。

「啊寧你冷靜啲先！你再打佢佢野都講唔到架喇。」



我也不知道自己為什麼會這麼反常，因為小清？也沒有想下去，抬頭示意叫他繼續。

「今年二十歲，我琴日同佢(小清)分開左之後我自己一個周圍走，然後行下行下就天黑，然後我唔記得左登記藏身點，結果就一直跑一直跑直到天光，之後試下登記藏身點，登記完岩岩想出黎搵下有冇野食就撞到佢。」

「小清原本飛機度坐我隔離，所以我邀請左佢組隊，到左島之後我...我見佢靚又咩咁.....咪......。」





「咁岩岩又見番佢喎，咪又諗番起....所以咪...咩囉......」

「屌！」我忍不住一腳伸了他那。人渣。


小清這時沒有阻止我，也沒有什麼表情和情緒，她想了想…

「你話你琴晚成晚都通山跑？」看著他這身打扮...是啊，為什麼我想不出來。

「係...係啊。唔好再打我喇......」

「放你走都得，話我聽你琴晚遇到啲咩。」這句是我說的。

「好..好。琴晚佢走左之後我追去，點知比佢走甩左....啊！我知錯喇唔好再打。咁之後天黑啦......果陣過左八點我又冇登記....結果就成為左系統攻擊對象。」





「講啦仆街講啲唔講啲咁，你比咩攻擊呀？！你再唔講就我攻擊你架喇！」小清馬上拉著我。

「係...係蝙蝠！」

「蝙蝠....？」我和小清對看了一眼。

「蝙蝠咋點解要驚。」

然後他反應很大。

「唔係一般既蝙蝠黎架！佢會主動攻擊人，怕火但係避完火都照攻擊。最後要係佢地會吸血，仲要唔止兩三隻一齊攻擊你，係起碼成百隻！」

「你唔好呃我喎，成百隻你仲企到係度？」我很自然的不相信這話。何況我連一隻蝙蝠的屍體都沒有預到過。

「真係冇呃你...我咁岩見到有人比隻百隻蝙蝠攻擊咋，同埋係血啊，佢地仲會聞人身上啲血黎攻擊。我本身冇流血所以攻擊我既都有成十幾廿隻。」他看上去很怕的說..…





看來昨晚的叫聲不是這傢伙就是那被上百隻攻擊的人了。還有蝙蝠那邊即是本身的習性沒有太大的變化，但變成會整群主動攻擊別人…

「仲有啲咩關於佢地架？」我很自然又恐嚇他起來。

「喔..喔..仲有佢地啲屍體會全部消失晒！未死既就會一齊飛走左。」

「咁佢地飛左去邊？同埋啲屍體係一隻一隻咁消失定同時間所有蝙蝠一齊消失？」

「我睇唔清啊，果時都未天光，應該係向飛西北，同埋佢地啲屍係全部統一時間慢慢淡化咁樣消失唔係無啦啦唔見左條屍架。」

西北方....怎不是飛出海外面，即是有可能巢穴是在島中心或更遠.…我也不在這人面前說太多。

「好，有咁遠走咁遠，下次再見到你未必有咁好心情放你走。」該問的都問完了留他在也沒用。







「大...大佬，我可唔可以入你地隊啊.....？」

-