[HiHi喇] 好地地落街食枝煙, 點知.......: (7)

無可奈何地，我唯有跟著家強前往尖沙咀的中港城。

「嗱，聽住啦。」家強向我提點道：「 我同啲女講左今日係去珠海浸溫泉家。」

我熟知他的計劃不會這麽簡單，於是問 :「咁實情係去邊度呢?」

家強故作神秘道: 「細節我遲下講你聽，費事你穿崩。」

「事但啦。」反正我不太感興趣。





「有一點你必須要注意。」家強加重語氣道:「就係我分分鐘會唔認得條女係咩樣......」

「你有無離譜啲呀。」

「好出奇呀，啲女開燈熄燈兩個樣家。」

「咁你又有啲道理。」我暗暗點頭。


到達中港城後，我和家強先去麥記買了四份早餐。





「啲女到左家喇，你醒醒定定啦。」家強一反常態地顯得相當緊張。

這次要見的女孩可能真有點不一樣。

我摟著他的膊頭道:「總之我一味扮傻來襯托你有幾撚醒咪得咯。」

「死喇! 」家強像記起了甚麽，緊張道：「你買既係豬柳蛋定係豬柳包呀?」

「豬柳蛋掛，求其啦。」





「唔得家! Helen 話左唔食蛋家!」

我登時如遭雷極。

並非因為買錯包，而是因為家強所說的名字。

「家強，你約果條女叫咩名話.....?」

「做乜青都臉哂呀？咪同你講左叫Helen 咯。」

不會的，事情不會這麽湊巧的。

「咁你知唔知同佢一齊來果個friend叫咩名呀....」





家強想了想，然後答:「好似叫Tracy呀。」

我雙腿一軟，竟坐了在地上。

原來家強昨晚傾電話的對象，不是夜場認識的靚妹，而是凱琳。

她一定是見我遲遲沒有回去吧檯，於是打電話找我。

那時侯我的電話剛巧沒電，她便嘗試撥打我的work phone number。

而那正正是家強的電話號碼。

慢著，既然接電話的是家強，她又怎會認不出來？

「你搞咩呀？中風呀?」家強踢了我一下。





他一開口，我便知道了答案。

我一直沒有察覺，自己和家強的聲線幾乎一模一樣。

以家強的口才，要暪過凱琳自己是她所找的人絕對不是難事。

該死! 我怎會現在才想通。

就在這個時候，前方傳來了一把熟悉的聲音：

「呀豪，你無事吖嘛?」

只見一身便服打扮的凱琳，氣急敗壞地向著我們衝了過來。





而她身旁的翠思則愛理不理地站在原地。

「我無事呀。」我和家強同一時間回答。

家強盯了我一眼，好像怪我說錯了話，然後轉身向凱琳道:「我個friend血糖低，整日失驚無神都會暈一暈咁者。」

凱琳俯身察看我的狀況，著急道:「不如我扶你去附近啲位坐陣先啦。」

家強趕緊捉著我的手臂，笑道:「等我帶佢去廁所洗個臉就無事家啦。」

然後便強行將我拉到閘口旁的廁所。