[深夜重口味] 黑色蒲公英: 係咪有野要問我?

話說 Derek 向我求助，我要求同佢女友上床嚟交換...

「返嚟喇。」
Joyce 坐嚮廳，情形同當年我偷偷地見完佢，返屋企見到 Rebecca 坐嚮廳一樣。
「老婆，係咪有野要問我?」
「你沖涼先。」
我其實已經沖咗，不過明白佢意思，唯有沖多次。
返上床，佢好似平時咁等我，不過今晚條睡裙第一次見，好靚，性感之餘好高貴。
而且佢噴過香水，係一隻令男人意亂情迷嘅味道，明顯佢有備而來，我已經發洩晒嘅慾火又俏俏地聚集起嚟。
「老公，好唔好玩?」


果然女人係口不對心專家，明明講過唔使交代，實際上緊張到不得了。
「去到酒店，Miss Mok 已經沖咗涼，冇著衫，剩係用毛巾包住，佢叫我自己沖涼先，我咪沖囉。」
「好失望哩? 以為佢會服侍你沖涼?」
Joyce 隔住褲戲弄我已經豎起嘅下面，。
同其他女人上床我早有經驗，不過佢地係你情我願，呢次好緊張，因為係以性做交易。
「沖完涼，我包住毛巾同佢坐上床，佢叫我唔好嗌佢 Miss Mok，叫佢 Karen，咁我咪叫佢嗌我 Alan 囉。」
突然 Joyce 出力揸咗我一下，顯然我講錯野。
女人真係奇怪，上床都得，叫得親切啲反而唔得。
不過佢好似知道過份咗，伸手入去套住我個袋袋輕輕搓，好舒服啊!
「Karen 想拉開毛巾，我叫佢等陣。」


「你想問佢係咪真係願意?」
「係，雖然 Derek 係佢男朋友，但唔代表佢要出賣自己，我唔想搞到一半先後悔。」
「你問多咗喇，老公，邊有女人鍾意獻身畀其他男人? 佢除得衫梗係已經將內心掙扎拋諸腦後，你問佢只會令佢諗番起，只會更難受。」
「對唔住。」
Joyce 瞄下我，好似明白我意思，其實頭先佢表情都有啲難堪，畢竟佢以前都向過其他男人奉獻，我嘅問題間接傷害埋佢。
「Karen 沈默咗一陣，跟住問我識唔識打枕頭架。」
「啊?」
「佢攞個枕頭揼我，我咪拎起枕頭揼番佢，跟住佢落咗床，我地繼續互掟，直到將梳化啲咕臣撞晒落地，佢返上床，攬住我瞓低。」
哎吔，Joyce 又出力揸我!
「佢細細聲嚮我耳邊講，咕臣果度其實收埋咗個 cam，我問係咪 Derek 擔心佢安全。」


「你唔係咁天真呀?」

<< 未完待續 >>