[深夜重口味] 黑色蒲公英: 抵壓埋你女朋友

話說雖然我痛錫 Rebecca，不過同佢愈嚟愈多爭拗...

Rebecca 攬住由細陪到佢大嘅毛公仔瞓咗，面上仲有淚痕。
我摸摸佢幼滑嘅頭髮，心入面好茅盾。
對唔住，Rebecca，我講咗好多歪理，為咗你媽咪，我可以不顧一切，但世上只有你，我可以唔講道理。
你係我嘅天使，如果可以，我想一世照顧你，不過咁樣冇可能，但至少畀我搵到個可以一世守護你嘅男人先。
你知唔知你性格愈嚟愈似以前嘅你? 我驚你再次錯愛好似我咁嘅負心漢，我唔可以畀你傷心，半次都唔得。
我返上床，Joyce 攬住我。
「老公,其實個生日會我都會去，同其他家長交流升中學啲野，佢唔會有事嘅。」
你真體貼，如果頭先咁講，Rebecca 肯定同我撐落去。


「唔使諗中學喇，我打算送佢去美國。」
我啱啱諗嘅，佢啲同學大過咗都只係爛鬼港男，襯唔起佢。
「我地過埋去陪佢?」
「梗係要睇住佢，否則佢搵個老外或者黑人點算?」
「但搬公司去美國唔係咁易喎。」
你又知我想搬公司? 無錯，香港又好，美國又好，就算我地生活無憂，我都要每日返工，嚮佢面前形造搵錢養家嘅形象。
「公司去向未定，不過無所謂，橫掂金主得番你一個。」
的確我地愈做愈霉，投資嘅初創十居其九都蝕，依家只靠以前嘅長線投資拉番平。
雖然 Joyce 嘅資金實力雄厚，但唔代表可以一直填氹。
「Derek，我地係私募基金，唔係私人基金，唔可以次次咁幫你。」


「求下你，Alan，我地已經有技術突破，好快成功。」
「你已經突過好多次破喇，仲要突多幾多次呢?」
「呢次唔同，真係臨門一腳，最多我賣埋啲股份畀你。」
「我地已經係大股東啦，而且我地要回報，唔係想營運，要埋你啲股份做咩?」
「求下你，Alan，當私人幫忙可以嗎?」
既然你死唔斷氣，我把心一橫。
「咁仲有冇其他抵壓品呀?」
「你知我架車一早賣咗，住果度租嘅，只剩番間公司。」
「唔要你間公司，一係抵壓埋你女朋友啦。」
我真係賤過禽獸，竟然持強淫人妻，不過事到如今就人渣埋佢。


「你女友咁索，畀我同佢玩一晚，我私人借畀你。」
仲送個淫笑樣畀佢，預咗佢會打鑊我，至少媽爆我，點知...
「你畀我考慮下。」

<< 未完待續 >>