[深夜重口味] 黑色蒲公英: 邊度嚟咁多好運?

話說我間私募基金投資失利，以前嚮沙地認識嘅 Irman 出手打救...

今日出差返嚟，第一時間望下欣欣，佢瞓得好甜。
「佢本來話等埋你先瞓。」
Joyce 從後攬住我，一對軟玉壓住我背脊。
「沖涼先?」
「原來個財團做礦業，唔怪得有咁多錢同我地買。」
「礦業? 渡假村都過唔到環保，礦業點得?」
「我懷疑當地政府早就想反口唔起渡假村，只係用環保做籍口。」
「如果係咁，個財團應該壓我地價喎。」


「呢層唔清楚。」
其實我清楚。
呢次去新加坡見 Irman，除咗財團管理層，仲見到佢老婆 Eva。
我地有啲尷尬，雖然隔咗咁耐，但當年玉帛相見，佢見過我下面，我睇住佢被 Eunice 老公抽插，大家面紅紅。
但 Irman 竟然舊事重提，讚我當晚點著咗 Eunice，佢回味無窮，對我感激不盡，真係痴線到極點!
最後我地用成本價賣咗個項目，只求收番本金，唔想欠 Irman 人情。
呢次之後，我從新檢討咁耐以嚟嘅投資，原來冇一樣係因為我眼光獨到，或者財技出色，認真分析，全部都係靠運氣。
不過邊度嚟咁多好運?
記番起廿年前 Joyce 同我講過，風水師話佢條命好辣，會剋死身邊人，亦會帶旺親人。
莫非我啲運就係咁嚟?


本來唔相信江湖術士，但依家唔到我唔擔心，於是做咗好多保險。
為怕好似小琳咁突然病死，我個個月做身體檢查，一有小小唔妥就驗屍咁驗，直情想包起個醫生。
為免好似劉生咁得罪權貴惹官非，我殺停殺晒所有敏感投資，賺緊大錢都止賺，就算賠錢都在所不惜。
為免好似張虹虹咁被人綁架，我唔用司機，唔揸車，的士都唔搭，只坐巴士港鐵，貪佢夠多人。
所以平時出入我專揀人多嘅路，當然會留意馬路上面啲車，尤其客貨 van 同七人車，如果駛近就即刻有咁遠走咁遠。
不過有時太多人好難行開，例如依家咁，行人路塞滿人，其實好危險。
好似果架巴士，如果轉唔切彎剷埋嚟就會...
咪住，架巴士真係衝緊過嚟!
「做乜撚野? 冇位呀!」
弊，後面全部人，我走唔到。


「轉咗燈咪畀你... 喂架巴士...」
死，走唔甩!
「走開呀! 走開呀!」
我唔可以卷入車底。
「救命呀!」
砰!

<< 未完待續 >>