[深夜重口味] 黑色蒲公英: 因住生仔冇屎忽

話說我終於有 Joyce 消息，仲知星期六會見到佢...

呢個星期地球轉慢咗，否則時間點會過得咁慢? 幾時先到星期六?
我不斷翻查『愛家建』啲資料，不過除咗尋晚張相，一啲同 Joyce 有關嘅都冇。
至於張虹虹，原來佢有官方背景，本身唔多新聞，多數係爆佢啲私生活。
傳聞話佢包養幾個女星，甚至新聞主播，既然咁多女人，點解仲搞 Joyce?
又話佢有份出席海天盛宴，成日去有美女無限供應嘅私人宴會。
影到宴會嘅相片唔多，我逐張放大，其中幾張好似見到 Joyce 身影，唔通佢都有份?
去做咩? 一係 bikini，一係短裙 bra top，雖然未至全裸，但著到咁對住班淫獸點會冇野?
佢個 BB 又係邊個嘅? 


真係張虹虹? 
佢當你性玩具咋，點解同佢生 BB?
「再見喇，老公仔，我愛你。」
臨走前又話愛我，點解唔返嚟? 點解寧願作賤自己都唔搵我?
我呢十年嘅光陰即係點? 我一定要問清楚。
「Sarah，愛家建個張太住邊間酒店?」
「唔知喎，不過 Sam 應該知，佢負責接佢地去舞會。」
「咁我問 Sam。」
「佢地星期六中午先到，等多幾粒鐘都唔得? 到底咩事?」
「冇咩...」


「我知喇，你見人地靚女又想撩人上床哩? 真係下流，有老公都搞，因住生仔冇屎忽。」
「你放心，我果個係女。」
成個星期我都冇心情同其他女人上床，晚晚陪 Rebecca 食飯，不過個心仍然掛住 Joyce。
「老公，你條皮帶我幫你整番好個扣喇。」
皮帶? Joyce 送個條?
「皮帶都有得整?」
「有，整手袋啲舖頭可以整，你星期六去 ball 咪可以用囉。」
突然個心寒一寒。
「條皮帶好重要架? 見你爛咗咁耐都唔捨得掉，Joyce 送嘅?」
其實我地好耐冇提 Joyce，點解呢幾日提完又提?


Rebecca 直覺一向好準，唔通佢已經知道咗?
我係咪應該坦白?
「係呢，工人果邊點? Agent 有冇 update?」
都係畀我搞清楚先講。
「今日打去問過，佢地話兩星期後到喎。」
「希望唔會再遲啦，你就快生得。」
「放心啦，媽咪星期日就返，佢會提早過嚟陪我。」

<< 未完待續 >>