[校園]到底點樣先至可以觸摸女神: 第十三章

曉雪都嚟咗新學校差唔多三個月，準備迎接第一個UT，
曉雪近依幾日都一放學就即刻衝返屋企溫書，
唯獨係有啲時候溫得好辛苦，透唔到氣嗰陣，
就會打比子文同佢傾下計...
－－－－－－－－－－－－－
UT前夕，曉雪終於溫好曬書，於是打比子文，
傾傾下，曉雪無端端問
「你唔使溫書㗎咩？」
「次次打俾你嗰陣，都好似係hea緊」





「無呀,物理太簡單， ICT更加唔使講全級第一」

「咁其他科呢」

「英數通都ok啦，中文就..」

「既然係咁！做咩唔溫書啊？😠」

「我有試過溫㗎！但係唔知點解溫極都唔合格...」





「你咁樣嘅態度點得㗎！」
「唔得呀！你一定要溫書呀！」
「一係咁，今次UT 70分我就做你女朋友」

「唔洗70分都可以咀到你啦」
「同時又可以出去浦🤤」

聽到依句曉雪開始嬲
「唔想同你講野呀！」





然後曉雪就cut咗線
邊有人啲態度可以咁差㗎！
－－－－－－－－－－－－－
「_街啦！點算好？」
子文第二朝淆住底咁返去學校
唔係驚未溫好書，而係驚曉雪仲嬲緊

子文膽粗粗咁走埋去同曉雪講
「我琴晚溫咗書呀...」

「哦！唔關我事！」

仆街！仲嬲緊！

「但係有啲地方唔識...可唔可以問下你...」





曉雪望一望子文，發現佢咩都無帶
「咩都唔帶溫書呀...？」

「我...我諗住去你果度溫...」

「算啦...是但啦！你晏啲上嚟啦！」

終於唔嬲了！😭

但係送得頭一次，自然就會送第二次

「我唔...唔記得帶筆...」

曉雪係筆袋拎出一支筆比子文




「你真係好煩！」
－－－－－－－－－－－－－
第一日考完之後，子文就去咗曉雪屋企溫中文

曉雪換返套睡衣，煮咗啲飯餸，食完就開始同子文溫中文
曉雪打開課文，同子文解釋，指出邊啲重點要記

「依度係重點...要背！」

子文聽咗兩個鐘，真係忍唔住，訓著咗...

到咗第二朝，子文抱住半桶水咁去考，結果係點？
雖然未改完卷，但係子文都自知無70分...應該無事既...
－－－－－－－－－－－－－
話咁快，UT已經考完，迎接復活節假期




子文見電視啲情侶，同床咁起身好似好正咁，
所以今個復活節目標，就係要同曉雪同床！

不過好講話同床，連一齊過夜既機會都無...到底點攪好呢？

子文返到屋企，坐底沉思緊...突然有人㩒門鐘
子文行去門口開門，點知見到樓上啲鄰居
「Hello!文仔呀！我同軒軒爸爸要去一去加拿大做啲正經事」
「你可唔可以幫我照顧佢幾日？」

子文呆咗一陣，之後決定應承佢照顧軒軒

「咁麻煩曬你啦！」

「唔麻煩，最緊要返嚟接走佢就得㗎啦...」





軒軒媽媽走咗之後，子文打比曉雪

曉雪用普通話講
「怎麼找本宮了？」

古裝式講法？

「愛妾呀...可唔可以即刻過嚟朕既寢宮？」
「朕需要愛妾你嘅幫忙...」
－－－－－－－－－－－－－
Instagram@giftedscholar_chiman
https://www.facebook.com/hoxton924/