[校園]到底點樣先至可以觸摸女神: 第十二章

佢地見啲雨仲係倒水咁，走去咗排唐老鴨果套3D電影
職員喺門口派3D眼鏡，子文同曉雪都攞咗一副
「我地自拍返張先啦！」

子文對住鏡頭笑咗一笑...影完就算啦...
「咁你po唔po上IG㗎？」

「唔po!」

「咁啫係啲想影得幾曖昧都得啦？🤪」



曉雪縮咗一縮
「你...想點呀？」

子文無答🤭

入到戲院之後，佢哋兩個揀咗個比較少人同隱蔽嘅位坐...
子文細細聲講
「我要係你條頸留一個好明顯吻痕...」



「唔要呀！」

話口未完，子文已經係曉雪條頸留咗一個吻痕...

「...留到咁明顯...星期二點算呀...」

「啲人會周圍討論個吻痕係邊個留...」
「佢哋可能會懷疑你出面做PTGF...」
「依個就係唔俾我做你男朋友既代價！」



「哼！唔想理你呀！」
－－－－－－－－－－－－－
跟住落嚟其實發生既事都無咩特別，
真正特別既係第二日發生嘅事...

子文雖然平時嘅行為好賤格，其實佢都好關心曉雪

琴日佢地兩個人擔一把遮，子文為咗唔比曉雪整濕，
子文讓咗好大部份嘅位置俾曉雪...而自己左邊膊頭幾乎濕晒，
咁樣搞法，結果就係病咗

曉雪打比子文果陣，聽到佢把聲完全唔同晒，
就知佢病咗，於是就仆去佢屋企睇下佢點...

曉雪打開門，見到子文訓咗係梳化上面


「你點呀？」

「what?你...點...入到嚟㗎」

「我之前偷偷地配一多條匙」

曉雪攞出探耳機，幫子文嘟下幾多度

嘟！38.7度...

「喂！燒到39度呀！快啲換衫落去睇醫生！」

子文比曉雪推咗落樓下睇醫生...

「哦~好小事啫...應該係淋雨淋到病咗」


「出去攞藥啦！」

「好呀！唔該醫生」

子文摸一摸個褲袋...
仆街！無帶銀包！

曉雪拎咗個銀包出嚟
「我幫你比住先啦...」

一出診所，子文差啲成個人暈底...
要靠曉雪扶住佢先行到

子文暈緊既同時，唯一令子文提起精神既係，
曉雪既胸部同佢手臂的接觸...🙈


－－－－－－－－－－－－－
返到屋企...曉雪將子文輕輕放落床
子文突然將曉雪拉落床...準備咀落去

曉雪用手指封住子文既咀
「唔俾呀！好返先啦！」

子文個樣就好似咁😟

「唔好扭計！」
「係喎...點解琴日你有擔遮都病㗎？」

「緊係啦...你都無發現我半身濕咗...」
「就係為咗唔比你濕...」



曉雪聽到依句，甜甜咁笑咗...
「衰人...原來你都幾好人㗎喎...」

「係呀...好人到收好人卡...」

「快啲訓下休息下啦！仲係度玩...」
－－－－－－－－－－－－－
曉雪成個下午都留咗係度照顧子文，同埋佢隻貓
曉雪一路溫書，一路同佢隻貓玩...

「你真係好得意...😛」

子文一訓就訓到六點...
曉雪拍一拍子文
「夠鐘食藥啦！」

曉雪原本諗住直接比子文食算...但係諗下諗下
佢怕子文會濫藥，一次過食好多...

都係我餵佢好啲
曉雪將藥水倒落匙羹
「擘大口~呀~」

子文食完藥之後，發現隻貓都係房
「你隻衰貓，平時搵極都搵唔到你」
「依家有女，又自動出現」
「死狗公！」

曉雪見到子文咁同隻貓講野，忍唔住笑
「你唔好咁樣同佢講野啦！😂」
－－－－－－－－－－－－－
Instagram@giftedscholar_chiman
https://www.facebook.com/hoxton924/