[校園]到底點樣先至可以觸摸女神: 第三章

好快一星期又過，曉雪都開始融入到依間新學校
最近子文發現有個底form師妹，日日都嚟搵曉雪
無論係小息，午膳都係度傾計，曉雪甚至會為咗佢而唔交電話傾wts

依排果位師妹就遇到啲感情上既問題，佢同曉雪講，曉雪就同子文講
原來果位師妹都算半個KOL，最近佢為咗給引fans 就係ig post咗啲性感相，惹嚟大量狗公留言

好靚女呀😘...
做我女朋友啦...
幾錢Q?




想同你上下上下🤤...

身為佢男朋友，見到條女post啲咁既野，又有啲咁既comment，個心總會覺得好似比人帶咗咗綠帽咁
「頂 人地啲家事 你就咪理咁多啦」

「但係你唔覺個女仔好慘㗎咩？佢只不過想比人知自己靚咋喎」

「啲comment咁性暗示 好明顯條女就係度派軍糧啦」

「不如我地幫下佢地啦？」





頂...佢真係A0嚟㗎喎
「頂你 係咪未拍過拖㗎？人地關係出問題你點幫都無用...」

曉雪仍唔死心
「咁點做先可以令男仔心軟呀？」

「上床囉！一定心軟」
無可否認，依個係一個好方法，但係曉雪唔想要依個答覆...
曉雪知道以子文既性格，一定有一個更簡單直接既方法





既然你唔講...咁就唯有逼啦...

曉雪打開子文書包，拎咗一個盒仔出嚟

子文即刻心諗
OH SHIT...

盒內裝著既係子文條命
Fender FXA2
雖然唔係啲最頂級既耳機，但係都用子文唔少既錢去買

曉雪知道耳機對子文好重要，子文會為咗佢妥協任何事
曉雪打開個盒，拎出裹面既耳機





子文流晒冷汗...

「你講唔講呀？唔講呀嘛？」☺️
「個耳機咁貴...唔知撞落張枱會點呢？」

「冷靜唔好衝動...」
「信我...叫個女仔嗲下條仔，一定心軟㗎啦」

「如果無效果呢？」

「咁就分手啦！無機會㗎啦，gay㗎條仔」
真係有無攪錯，拍拖都要人教

曉雪即刻同個女仔講個方法，一陣之後
個女仔上咗嚟班房




「曉雪BB!!!!!!!!!」
個女仔衝埋嚟攬住曉雪
「做咩呀？」

「佢終於應返我啦！」

「咁咪好囉」

子文坐係個位望住佢地，曉雪向子文打咗個單眼色
子文即刻拎起隻手，遮住對眼，扮睇唔到

曉雪嘟起嘴表示不滿
－－－－－－－－－－－－－
「喂！個女仔送咗兩張戲飛比我呀」
「同我去？」





擺明就係預先買咗用唔著先比你啦
「都得既」

「記得唔好著咁頹呀」