[校園]到底點樣先至可以觸摸女神: 第二章

子文嘗試撥開曉雪隻手
「你係咪癡Q咗線呀！」

子文撥開既動作，反而令曉雪搣得更大力
「我問你呀！你琴晚做咩不讀不回我呀！」

子文不斷發出慘叫聲
「呀！！！」

子文不斷回想到底曉雪點解會話自己不讀不回




嗯...到底點解呢？咪住先！琴晚係咪有一個叫咩咩雪既人WhatsApp我？
「你係咪果個咩咩咩？咩咩咩雪呀？」

曉雪對住子文點咗兩下頭

「我唔睇啲樣衰既人既message」

曉雪聽到依句簡直發晒脾氣

點解依個人咁乞人憎㗎？😡





曉雪搣咗佢子文隻手，然後轉身離開
留低子文係班房

子文看著曉雪的背影
「痴_線㗎都！」
－－－－－－－－－－－－－
曉雪撇底子文之後，去咗教員室交職務表
曉雪填上咗黃社幹事同紅十字會





「曉雪呀 你係自己個名隔離寫底想做咩先，我晏啲再入落部電腦度」

曉雪反覆咁睇咗幾次，依然搵唔到自己過名

「Miss呀？好似無我個名喎？」

Miss 檢查一下，然後敲一敲自己個頭

「唉！係喎依份表舊㗎喎 你等等我 我入去攞新果份比你」

曉雪趁Miss 入咗去攞表，偷睇下其他人既職務

「恩...紅十字會H 葉子文...黃社副社長...學生會幹事...電腦學會副主席...」

點解葉子文完全職位都係副既？




－－－－－－－－－－－－－
返到班房，見到子文同班fd係度玩啤

「林曉雪？過嚟！啱㗎啦！」

曉雪放底文件，之後過去子文身旁

「嗱，我地玩鬥大輸咗果個就要比人問真心話，OK?」

然後子文整齊地掃開52張牌

子文示意曉雪揀先，曉雪揀咗最左邊嗰隻，而子文就好明顯係 求其揀

「好！開牌」





子文果隻係階磚七，而曉雪就係葵扇五
好明顯就係子文贏咗

「林曉雪！你拍過幾多次拖」
子文想問好耐㗎啦，不過一直無機會

「0次呀！」

子文露出了十分不信任的表情

「咁真係呀嘛，嗱小學女校，之前果間女校，依間先算識到男仔咋」

「信！我一定信㗎！」
子文咁講根本就係比緊理由曉雪搣佢





「Holy shit!」
－－－－－－－－－－－－－
過咗一陣，子文突然間問
「職務表你填咗咩？」

「紅會同黃社社幹」

「做咩做社幹呀，得啲67先會去做社幹咋喎」

「但係你都係社幹嚟喎！」

「所以我咪做咗67囉」

突然子文電話係褲袋震動，原來係社長打比佢





「文呀！我今日病咗呀，個壁報要你搞埋佢啦」

「唔_係話？我VA攞C㗎喎」

「果個新嚟既社幹VA攞A就得㗎啦，佢叫叫叫叫...叫林曉雪呀」

子文望下旁邊的曉雪，留底一句
「OK!bye!」就掛斷電話

子文把電話放回褲袋
「話口未完，又要做啲67壁報啦，你依家畫定草圖，今晚九點前應該做得晒...」

頂...咁咪無得開工？

子文離開班房去搵其他社員，叫佢地放學一齊去做壁報，而曉雪就留係班房畫草圖
－－－－－－－－－－－－－
到咗放學後，6個社員正整緊壁報，唔係，
實際上得五個，因為子文除左買野之外就無點幫過手。
時間一分一秒咁過，社員也都以要補習，要溫習等理由先行告退，最終只剩下子文同曉雪
子文訓咗係張枱上面

「你到底有無諗過幫手㗎？」

「我唔攪亂，已經算幫緊啦」
「況且你都已經就整好啦」

「咁你幫我釘啲野上去啦，我著裙唔方便」

「剪開啲咪方便囉😏」

曉雪拿著剪刀對著子文
「釘定唔釘？☺️」

子文馬上碌落地下，拿起釘書機釘野

佢哋總算可以係8點前離開學校
佢地正行去巴士站
「咁夜要唔要送你返去？你住邊？」

「都好，有人陪我返屋企，但係我住港島大坑果邊喎」

「咁得啦，過度有車去我屋企樓下」

佢地行到巴士站果陣，子文Check下幾時有車
嗯...仲有6分鐘就有車
曉雪係度搵野，但係搵極都搵唔到

「死啦，我好似留咗銀包係學校」

「咁返去攞囉」

「但係走咗班車，就要等多半個鐘啦喎」

咩話...半個鐘咁咪啫係要十點先返到屋企？
依句說話激發左子文體內既田徑魂
雖然，子文主要項目係跳遠同三級跳，但係子文跑一百米只不過須要12.6秒，而巴士站同學校既距離只有二百米
來回一轉應該夠時間...

子文放底書包，脫下冷衫，留下一句
「幫我睇住啲野」就狂奔返學校

返到學校後，搵到銀包，仲有三分鐘，狂奔返巴士站
哈呼...哈呼...哈呼...
子文始終都唔係跑手，咁樣跑法唔死都算係咁...

車到咗後，子文喘住氣咁上車，佢哋坐咗係上層最後一行既雙人位
「你有無野飲呀？」

子文搖手表示無
曉雪拎咗自己個水壺出嚟
「飲啦」

跟住，發生咗一件曉雪意想不到既事
子文竟然無離口，就咁飲落去

曉雪即刻想攞返個水壺，但係又收咗手
算啦，見佢跑得咁辛苦...

落車後，曉雪發現咗子文條西褲褲袋下面有個洞口
「喂喂喂！你條褲爆咗喎」

子文摸一摸洞口
「咦？係喎」

「應該係跑返去果陣，整返去果陣整爆左㗎，你上嚟我屋企，我幫你縫返好佢啦」

其實條褲好似之前已經爆咗...

曉雪打過電話返去確認一下
「喂？Daddy?你返到屋企未呀？咁好啦！早啲返，bye bye」
「攪掂！」
－－－－－－－－－－－－－
入屋後，子文突然話
「嘩！我識咗你兩日就已經帶我上你屋企嗱？」

「我信得過你呀嘛！」

「我差啲以為係唔著褲企係出面等你縫好條褲」
依句說話中咗曉雪笑點
哈哈哈...曉雪笑到停唔到....哈哈

然後曉雪入房換一套衣服，順便攞針線包出嚟
曉雪換咗一套好普通既睡衣，同子文想像中既超短褲好大分別
「諗緊咩呀？」
被識穿了

「無呀...林大小姐你有無諗過借條短褲比我著呢？」
「我驚晏啲你屋企人返到，佢唔會留意到你鏠緊褲，只會留意到佢個女同一個只係著under既陌生男子，同一間屋」

「好...哈哈...好」

曉雪一針一線縫起破洞，子文真係意想不到曉雪擁有一雙巧手，也開始對佢改觀...

「縫好啦...係喎點解你條褲咁窄既？」

「人唔靚仔就要靠衣裝幫補下㗎啦」

「咁你留唔留底食飯呀？」

「唔啦，怕你屋企人返啦」

子文離開後，曉雪看一看牆上的時鐘
「睇嚟你都係逃唔出十點先返到屋企既魔咒😛」