來，一場書展殺人遊戲: 第四十九章

「大家睇吓咁樣得唔得？」
 
呀豪指向手提電腦，螢幕顯示的，是一個個分格，而分格裡的，正是會展不同的地方。
 
「呢部電腦入面睇到既，同主持人睇到既一樣。」
 
呀豪指著其中一格黑色的分格﹕「呢一格就係啱啱俾呀俊破壞咗嗰隻麻雀。」
 
「呀豪，你會唔會太勁……」
 




這讚嘆，是我情不自禁，發至內心所說的。
 
「睇嚟，我地同你都一樣，睇到晒呢到啲野喎。」子銘望著天花版叫道。
 
早前，我對這遊戲一點頭緒也沒有，就連該做什麼都不清楚。但看來現在，我明瞭了我們該如何平安走出這會展。
 
先要了解這遊戲的真相，隨後找到這遊戲的漏洞並破壞，最後我們便能走出這會展了﹗
 
「咦……嗰到有個人既？」
 




JOEY指著電腦的左上角，裡面有一個看似是老年男人站在原地，手上還好像拿著一張紙牌。
 
「呢個男人咁熟口臉既？響邊到見過佢呢……」因電腦顯示得不太清晰，只能大約看到一位蓄鬍鬚的老伯。
 
「佢就咁樣企響到，到底做緊咩？」
 
小希也對這老伯好奇得很。
 
「如果……我地過去睇吓好冇呀？」呀俊果然是最忍不住好奇的人。
 




「的確係好奇怪，如果佢係呢個遊戲啲人，冇理由會剩係企響到咩都唔做，但係呢到除咗你地，理應唔會有其他人架……」
 
子銘瞇起雙眼，希望能看到那老伯手持的紙牌上寫著什麼。
 
「你估會唔會係一個陷阱？呃我地過到去，之後殺死晒我地。」陳新正猜想每一個可能性。
 
「都有咁既可能性……」子銘暗暗點頭，同意陳新的猜測。
 
「就算真係陷阱，我地都已經做好心理準備啦﹗點解唔去睇吓喎﹗」呀俊不停的鼓勵我們。
 
「唉……反正我地都係不到黃河心不死架啦，咪去睇吓囉。」嘉穎搖搖頭，微微一笑道。
 
「我地可以行到嚟呢到，都係因為我地唔知個死字點寫啫，既然我地都冇野可以做到，倒不如出去睇吓啲奇怪野﹗」進
 
哥打掃四周後，便打了個岔。




 
「進哥，你陪唔陪我地一齊去呀？」儘管已知答案，我還是出於順口而問道。
 
「唔啦，如果我去埋，咁邊個睇住呢幾個細路？」
 
進哥抱起一位小男孩，慈善地笑著。
 
「咁好啦，呢到就麻煩你啦﹗」
 
子銘向進哥點頭表示謝意，便去回剛剛戰鬥的地方，從購物袋中找來一根大蔥﹕「原來呢棵蔥都幾好用吓﹗」
 
我順勢一望，那三位師奶的屍體，早已消失。
 
「照咁睇，嗰個呀伯應該都係響美食展入面，可能同我地依家身處既位置好近。」呀豪再次確認那老伯沒有離開，還是依舊的站在原地。
 




「咁我地就出去搵吓啦﹗」說罷，我們便開始了尋找老伯的旅程。
 
走了一會兒，發現這裡已再沒任何活口，還許他們就像那三位師奶般消失了吧。也許在我們現實生活中，也存在著這些「人」，只是我們還未曾發現。
 
「你地聽唔聽到有啲聲？」陳新停下腳步，閉上雙眼仔細聆聽著。
 
我立馬放輕呼吸聲，好讓能聽到那些聲音是什麼。
 
「有天堂……有地獄……」
 
？
 
「有天堂……有地獄……」
 
﹗