來，一場書展殺人遊戲: 第四十三章

「麻雀？呢到有人打緊麻雀嗎？打幾大呀？」
 
也許，我早前的離開是明智之舉。
 
「會唔會係因為對面美食展到飛過嚟架？」
 
呀俊也不太明瞭這麻雀的存在意義。
 
「但係……我總係覺得呢隻野有啲問題……」很可惜，我卻說不上有什麼問題。
 




「係啦，咁我地……仲可以做啲咩？」
 
JOEY看似悶得發瘋，但她說得也不是並無她的道理。
 
「我覺得既然我地都做唔到啲咩，倒不如好好咁裝備自己先啦。」呀豪提出自己的觀點。
 
「裝備自己？」嘉穎的眉頭皺了皺。
 
「正所謂工欲善其事，必先利其器，我同意呀豪既講法。」進哥加入了討論。
 




「你地既意思係，我地要去保安嗰個攤位到問佢地攞裝備？」
 
陳新指了指放置武器和防具的角落﹕「我地啲裝備仲唔夠咩？」
 
「唔係……我地最主要唔係想去攞武器，我地係要入去佢地個攤位到睇吓，既然佢地響呢個遊戲係擔當住一個咁重要既角色，咁佢地個攤位就一定會有有關呢個遊戲既重要野﹗」
 
我靈機一動，理解呀豪話中的含意。
 
「仲諗咩呀？行啦﹗」
 




子銘和小希談了一會後，也加入了我們的討論。此時，小布也走回我身邊並牽住我的手。
 
而正當我們正準備起行時，卻在不遠處傳來叫囂聲﹕「呢到就係書展呀？聽說就係書展啲人打開咗道門，搞到我地又要殺多啲人先走得﹗」
 
「不過可以殺多幾個人，我又唔介意喎﹗你諗吓我地響平時邊到有機會殺到人先得架﹗」
 
他們停在我們面前，手上各自持著一把鐵劍。以他們臉上的表情得知，他們是來硬的。
 
「細路，知唔知係邊個打開咗道門呀？」
 
左邊的男人打扮得活像從古代穿越來到現在似的，幸好他不是說文言文，不然我必定一句也聽不懂。
 
「嗯……我地都唔係好清楚，不如你地問第二個啦……」
 
我深知說罷這句後，他們也不會離去，但我還是編了這謊，希望有奇蹟出現。




 
「咁算啦，你地準備好死未呀？」
 
右邊的男人和他的同伴可說是格格不入，身穿整齊的西裝。他們一中一西，還真是特別。
 
「等陣先，我地呢到有唔少細路，要打都唔好響佢地面前打，我唔想傷及無辜。」
 
進哥阻止著他們，並拿著武士刀，看來他也明白這戰鬥是必然的。
 
「有咩所謂，反正我地最後咪又係殺死晒你地，男人老狗就唔好咁煩啦﹗」
 
到了現在，我還是想不通為何每當要出手前，總是要先示意對方。
 
然而，現在絕對不是應想這問題的時候，古裝男子一手抄起鐵劍，蜻蜓點水般的刺向進哥的要害。幸好進哥來得切反應，抄起武士刀擋了這招。
 




「我繼續啦喎﹗」
 
雖然他身穿西裝，但無阻他出招的靈活性。只見他一邊耍著鐵劍一邊疾步上前，劍耍得讓人看不清，彷彿形成一道風牆，無從入手。
 
而就在進哥留意住劍尖的位置時，風牆被劍氣擊被，劍尖對著進哥直擊。這次進哥的反應可沒準備好，亳無抵擋之意﹗
 
「二打一公平咩？」
 
飛刀從一旁突入並擊中鐵劍，劍尖隨即被震得無法瞄準，西裝男子只好作罷，未有再攻擊下去﹕「睇嚟呢到都有高手在陣。」
 
「高手就談唔上，不過都可以過返兩招既。」