來，一場書展殺人遊戲: 第四十二章

果然，進哥也不太相信我們打開門後的景象。
 
「我地都唔知點解會咁……」JOEY低著頭失落道。
 
「唔怪得我啱啱聽到廣播話咩開咗道門啦……等等，我地仲要殺埋美食展啲人？」
 
進哥握緊我的手臂，握得都快要紅腫。
 
「我真係咩都唔知架……你……不如放開手先啦，好痛……」
 




我痛得無法把話說清楚。
 
「呀……對唔住呀……」
 
進哥自覺自己太用力，便把手鬆開﹕「但係……書展都唔係同美食展同一時間開始既，點解你地可以去到美食展到既？」
 
﹗
 
「係喎﹗唔通我地穿越咗時空？」
 




我驚呼道，立馬掏出美食展的地圖看了看，上面寫著八月十六日至八月十九日。
 
「今日……幾多號？」
 
呀俊倒真是考起了我，我都快被這遊戲弄得糊里糊塗，連日期這基本事情都記不住了。
 
「今日係十六號，七月十六號。」還是呀豪最理智，不被這遊戲所薰陶。
 
「如果係咁既話，啫係啱啱我地去咗未來？」
 




JOEY摸摸天命的頭，看天命睡得多麼的熟，我保護她的意識便更加強勁了。
 
「係咁既話，就更加可以肯定我地已經唔再身處響我地原先既世界。」
 
子銘凝視著1Ａ大門，彷被這未知的世界所吸引。
 
「會唔會係咩平衡時空呀？」
 
呀俊一屁股倒躺在地上，可能是因為手推車坐得不太舒服吧。
 
「點解你就唔肯聽吓我之前既推論呢？我地只係響一個程式入面，我地開咗嗰道門，都只不過係程式設計。」
 
子銘回過神來，有點火氣的問道。
 
「唔好咁啦，可能係因為你個推論太過唔現實，所以呀俊先唔信啫。」




 
我連忙為呀俊辯護。
 
「如果好似你咁講，呢個世界既每一秒，我地所做既每一步都係整定，都係有一個程式運行緊？」
 
倒是頭一次聽過子銘的推論的呀豪對這有興趣。
 
「你可以咁講。」
 
正當我一直聽著這沉悶得快睡的話題時，小希卻拉拉我的衫袖問﹕「哥哥你可唔可以同我一齊去美食展到呀？」
 
「點解冇啦啦想去美食展到呀？」
 
「因為……媽媽佢年年都會去一次美食展，所以我咪想去睇吓會唔會見到佢囉。」
 




小希發現了連我也沒有發現的盲點﹗
 
「如果我今日有嚟到書展，但係我響八月十六日至八月十九日是但一日又有去美食展，咁咪有兩個我囉﹗咁如果一個我係拎住鬼牌，一個拎住數字牌，咁我係咪要殺死我自己先走得？」
 
我也發表了我的觀點，然而換來的卻是一片死寂。
 
「所以我地冇穿越到未來，我地只係去咗第二個世界？」陳新看似無法理解正面對的困境。
 
「係啦﹗所以美食展只不過係……呢個宇宙入面一個好似地球咁既星球入面既一個美食展啫，唔好諗得咁複雜啦﹗」
 
嘉穎嘗試用她有限的知識為現時的情況下結論。
 
「嗯……所以小希你放心啦，呀媽佢唔會響美食展到出現，而佢都唔會殺人架﹗」我為小希派下定心丸。
 
「死啦，一波未平一波又起……幾時先玩得完呀？」呀俊仰天長嘆，也把我的視線一併拉向天花板。




 
「子銘哥哥，你過一過嚟呀，我有啲野想問你……」
 
小希忽然向子銘說道，但我都沒太在意什麼，因為在我眼中，有第二樣更能吸引我的興趣的事情。
 
「喂，點解呢到有隻麻雀既？」
 
我咪起雙眼，試圖把眼前的事物看清。