來，一場書展殺人遊戲: 第三十八章

「其實我唔係諗住怪大家講大話，我都唔係諗住以後大家分道揚鑣。響呢個遊戲入面，講大話係必須，為咗生存，大家都要做一啲大家唔願意做既事。去到呢步，點解大家仲唔可以坦誠相對呢？」
 
呀豪把拾起放在桌面的鬼牌道。
 
如是者，大家也把各自的啤牌握在手上。
 
鬼牌﹕我﹑陳新﹑呀豪﹑JOEY﹑呀俊
 
數字牌﹕子銘﹑嘉穎
 




「至少大家都知道，冇可能利用正常方法去離開呢到啦。」
 
呀豪嘆了口大氣。雖口中是說不是責怪誰，但心裡卻為此而感到不是味兒……
 
欺騙……
 
「咁……」
 
陳新本應想開口發聲，卻意會到現在不再該到他發聲了。
 




「點解……你會忽然之間有呢種諗法？」
 
身為同伴，但我們依然無法理解呀豪的想法。
 
「我都唔知，我都只係突發其想。不過無論點都好，都證明咗我既諗法係啱既。」
 
也許呀豪看似與世界多了隔膜，是因為他的想法和常人有別。
 
「我知道大家一定會覺得唔知點好，不過其實大家都冇做錯到，一開始大家都冇必要同大家講真話。」
 




我漸漸發覺我自己根本不是在安慰他們，而是火上加油。
 
「其實咁樣唔代表咩衰野呀，至少我地唔係到死之前一秒先發現對方係咩人。我地唔可以用正常方法贏，就逆天而行﹗我地要令到諗呢個遊戲嗰個人趺撚晒啲眼鏡﹗」
 
子銘在這時擔當起眾人的強心針。
 
「加油﹗」
 
我們拍拍大家的肩膀，示意不要放棄，也不要再互相猜度。希望這氣氛，能夠維持而遊戲結束，一同步出這會場，隨後到天橋的麥當勞食頓飽的再彳亍到警察局。
 
「我諗，單係企響到係唔會有任何進展既。」
 
進哥不知從何找到一張完整的地圖。
 
「我地？咁你呢？」




 
JOEY攤開會場地圖，並圈出我們的所在地。
 
「我？你地走晒，咁邊個睇住後面班人？放心啦，我一定會企響到望住你地返嚟既﹗你們記得盡快返嚟呀，唔想擔心你地咁耐。」
 
進哥回望那幾個不知天高地原的小孩，臉頰出現了慈祥的笑容。
 
「但係你……」
 
正當陳新想講出什麼勸喻的話時，嘉穎卻懂趣的說﹕「咁好啦，有你響到，佢地一定會安全既。」
 
「既然係咁，我地就拎啲武器旁吓身先啦﹗」
 
我也懂得進哥的心，臉上也不自覺出現了笑容。
 




「但係，我地又可以做到啲咩？」
 
我也忘記了這番話是誰說了，但這句話卻是我的心聲。
 
「我諗進哥應該覺得個會場一定有啲特別既地方係我地平時冇咩點去留意，所以先叫我地圍住嚟行。」
 
嘉穎嘗試猜測進哥的意思。
 
「其實我覺得佢一啲頭緒都冇，只不過係覺得反正我地企響嗰到都冇咩意思，不如出嚟行吓，睇吓有咩發現都好呀。」
 
我走馬看花的發現那部電子查書機，平時我都根本不知他的用途是什麼。
 
其實說去發現有什麼可疑的地方，倒不如說是看看還有什麼活口。
 
「等陣……」




 
呀俊再次發揮他的本能，仔細聆聽著身邊的一切。
 
「你又聽到咩聲？」
 
明明我在身體檢查時，耳朵檢查是正常不過呀，為什麼他們聽得到有什麼可疑時，我卻什麼都聽不到。
 
「唔知，好似係啲電子聲。」
 
呀俊隨口形容著這聲音。
 
「電子？邊到？」
 
呀豪一聽見是電子時，雙眼便發出光芒似的。
 




「我都唔知，因為好細聲……」
 
只見呀俊皺著眉頭，便知他對那所謂的電子聲的位置一無所知。
 
「會唔會係呢個會場啲燈光或者咩抽氣系統？只係平時人多所以先聽唔到？」
 
陳新的說法，可信性反而大增。