來，一場書展殺人遊戲: 第三十七章

「係啦，佢地係……」
 
JOEY見氣氛漸變冷凍，便開創新的話匣子。然而，我又需重新把我剛的故事由頭再說上一番。
 
不過，我還是沒把呀俊的身份說出，只是含糊的作了一個藉口帶過。而呀俊也沒多說什麼，我想他也定能明白他的身份是不可隨便讓人知道的。
 
「咩話？你俾小希響保安嗰邊訓？傻咗呀你？佢有咩事你點負責呀？」
 
陳新一聽到這裡時，便衝口而出道。
 




「唔係我可以點做？唔通俾佢跟住我地咩？佢已經睇夠呢一切啦﹗」
 
「陽諾又唔係冇佢既道理。講到尾，小希都仲係一個細路女，唔應該俾佢見到啲咁血腥恐怖既野。我諗放佢響保安到，至少班保安唔會傷害佢呀嘛。」
 
嘉穎安撫我們眾人的心靈。．
 
「不過咁樣……真係好咩……」
 
JOEY對小希的遭遇持著十分同情的態度。
 




「其實呢……你地有冇一個完整既計劃嚟聽吓？」
 
子銘一言驚醒夢中人。
 
係喎﹗
 
「嗯……我地唔希望去到最壞既打算……」JOEY道出了我們所有人的心底話。
 
「我知，不過你地連一個具體既方法都未諗到既時候，仲講咩理想呢？」
 




子銘開門見山的指出我們一直欠缺的東西。
 
計劃。
 
「咁你有咩好既計劃可以俾我地參考吓？」
 
不知是否說者無心，聽者有意。我總是覺得陳新不太相信子銘和呀俊。
 
「我一定會話，殺晒對面就最簡單。」
 
子銘提出這最簡單直接不過的方案。
 
「咁你又唔好諗到咁極端先。其實你講既方法唔係唔得，不過好可惜唔適用於今次。」呀豪依舊坐在東北隅插話。
 
「點解咁講呢？」不只呀俊，就連我也不太明瞭呀豪這句話有什麼意思。




 
「大家心知肚明啦。我覺得去到依家，大家其實都唔需要呃住大家呀﹗反正我地都係坐埋同一條船。」
 
呀豪首次抬起了頭，直視著我們說話。他的眼神，不單凌厲，而是有種讓人不敢正視的感覺。
 
「你講……咩呀？」
 
那時，大家都心虛的望著呀豪。然而，我想這一切和我猜想的都已大同小異。
 
「真係要畫公仔畫出腸？咁好啦，我夠膽講，我地呢到一定無可能全部都係鬼牌，當人去到呢個絕境既時候，講大話係人類既本能。」
 
呀豪彷似在嘲笑著人類。
 
「去到呢到個地步，你仲有心情去懷疑人？睇嚟你地呢到都各懷好多機心喎。」
 




陳新也不甘示弱，反諷呀豪一記。
 
「你真係咁諗咩？如果我地連人與人交流最基本既野都冇，仲講咩野計劃呢？不過你講得啱，我的確冇證據去指證任何人，我都只不過係估估吓。」
 
呀豪所說的人與人交流的基本，是誠實。
 
「好彩你都識講係估估吓，咁如果你估唔中既話，咁我地咪變相係互相猜忌囉，你覺得咁樣唔會打擊我地眾人既心咩？」
 
看來剛加入的呀俊，也不太同意呀豪的做法。
 
「如果你地唔想俾人睇既話，我都唔介意。不過我想講，我其實大可以咩都唔知，反正只要我可以出到去門口，我話知你地係咩人啦﹗不過我覺得我地作為同伴，唔通連咁基本既野都做唔到？」
 
呀豪站在道德高地上，讓人無法辯駁。
 
「我先。」




 
我照出我的鬼牌，之後再把小希的黑心Ａ掏出﹕「我都唔想呃住大家，對唔住。」
 
「仆你個街，點解次撚次都係你﹗」
 
看來陳新對我的怒氣愈來愈大。
 
「不如你都拎你隻牌嚟睇吓。」呀俊也把他的鬼牌公諸於世。
 
「……」
 
而在這時，陳新卻無言以對，遲遲未把自己的啤牌拿出。