來，一場書展殺人遊戲: 第三十一章

呀俊騷騷後腦道，當然，皆因我也不清楚事情的來龍去脈。
 
不單是這會場的事物，就連我們從外帶進來的東西都有編號，然而編號又是能串連所有事情的唯一關鍵……
 
我脫光鞋子，看著這新買的ｎｉｋｅ波鞋，心想千萬不要讓我看見編號的存在……
 
一三八。
 
什麼？這可是我昨天才買，今天第一次穿上的﹗
 




「所有野都有編號，呢個陰謀論係成個香港……唔係，係成個中國……都唔係，唔同國家都有唔同既貨品來往，個陰謀論係成個世界呀﹗」
 
無錯，我從小便愛胡思亂想，總是愛小事化大，簡單複雜化。
 
「屌你可唔可以傻撚少陣？一陣咁多得唔得？」
 
呀俊早已受不住我的痴人痴語。
 
「唔係你點解釋得到無論書展啲野定係出面啲野都有編號？」
 




我要求呀俊提出便合理的解釋。
 
「真係唔屌你你都唔撚化既﹗呢個世界咁撚多野，唔通樣樣都唔同編號啦喎？啲編號個個都係三位數，咁最多咪只可以代表了九百九十九樣野，唔通呢個世界得九百九十九樣野啦喎？」
 
呀俊把不滿全變成髒話，加插於句子中。
 
「咁……咁係因為我依家睇到既野唔多啫，我就唔信我搵唔到四位數既俾你，你俾你對鞋我睇吓﹗」
 
儘管我的論點開始站不住，我還是辯護著。
 




「頂你個肺真係忍撚夠你啦﹗雖然個編號真係好撚細呀，但係你係咪都睇到呀？咁又唔通全世界得你一個睇到啦喎？唔好同我講咩你係咁啱先睇到啦，呢個世界撚有咁多咁啱呀？香港咁撚多毒撚，佢地個個都只係響屋企打飛機架啦，點解佢地咁得閒都睇唔撚到？」
 
看來呀俊對我的怒氣也甚大。
 
「講咁多，你有咩好解釋？」我放棄自己的立場，轉移問題。
 
「冇。」呀俊理直氣壯道。
 
……
 
「屌你老母﹗」我真的想揪起呀俊然後暴打一番。
 
「好地地做咩係都要諗啲我地唔會知既問題？」
 
呀俊攤開手板無奈的望著我。




 
「你有冇諗過，係我地入到嚟會展之後先有呢啲編號？」一男子從洗手間碎步出來並坐地我身旁道﹕「你地好，我叫張子銘，叫我子銘得啦。」
 
說實話，我嚇呆了。
 
眼前這男子，清秀得活像一張女孩子臉似的，但配戴眼鏡後倒是好了一點。年齡嘛……我想也只不過十多歲，和我差不了多少。
 
「你係咩人？」呀俊一見陌生人，立即打起十二分精神。
 
「吓？我啱啱咪自我介紹咗囉……」
 
子銘把頭伸前至呀俊耳邊大聲說道﹕「我叫子銘呀﹗」
 
「頂﹗我係問你係咩人呀？」
 




看來，在我面前的兩位，都絕對不是隊友的好人選。
 
「佢係問你張牌係咩。」
 
我只花上一句便了結他們將有可能爭吵幾小時的問題。
 
「喔……原來係問緊呢條問題呀嘛……」子銘從褲袋掏出一張皺得可憐的啤牌道﹕「階磚Ａ。」
 
……
 
「仆你個街係咪未撚死過﹗」
 
呀俊一聽到不是鬼牌後，大步流星的推著自己坐著的手推車上前來。
 
「做咩啫？呢到唔係鬼牌就係數字牌架啦，機率咪又係二分之一，有咩咁出奇？」




 
子銘完全無法理解呀俊為何如此生氣。
 
「屌……呢個遊戲玩法就係要是但一方殺死晒對面嗰方﹗你係咪聽唔明個規則架？」
 
呀俊沒多說什麼，坐直身子並嘗試出一記左勾拳直取子銘臉頰。
 
「我當然聽得明啦，不過……」
 
子銘並沒有躲避的意思，反而把臉移向呀俊左下前方，好讓那記左勾拳能準確的擊中﹕「你地唔係話要搵出呢個遊戲既真相，唔跟個遊戲規則玩咩？定係我今次真係聽錯野？」