{已更新第四章}尋找在我人生中第一次陪我入戲院的女友: 第二章:自我約定

第二章：
有人話，中學既時間係最美好的，但往往都係大過左先感覺出黎，可能出左黎社會工作，完成冇曬時間既關係。人就係這樣，永遠都係身在福中不知福。講番個自我約定既由來，就要從我中學時講起！由於中四開始要選科，我個人喜歡科學，所以我選左中理，點解唔選英理？原因好簡單，我英文差到一個點，係中四個年，我完全放心機落學業上，結果我識唔到朋友，但因此都有好成績，除英文例外！
到了中五，成為左公開考試班，班上既風氣都完全冇變玩，都係玩！
中五選位都係自由，因為我選番中四個陣既位置，近門口既單人位，因為我中四個年好勤力，考到全班第三，不久就同鄰座既幾位女同學(阿因，阿英，阿零)做左知己，互相推動大家!
座位如下:                                                                                                                         
阿因 某男同學
阿英 阿零     我
一到物理堂，我就會坐係教師枱(近窗邊)聽書，當然得到阿SIR準許啦…
你會問我點解我會走到課室既另一邊，當然因為阿晴係到啦.
阿晴係坐係班房既最左邊，而我就坐係最右邊.完全係零接觸.




不果我唔理係前者，定後者，我一到物理就會離位，就係為左成堂可以望住暗戀，定明戀既阿晴，就係因為這原因，我非常喜歡物理堂.(大家唔好嘗試，除非同個老師好熟)
但不知不覺黎到last day，我最後都係冇同阿晴表白…到依家我都唔明當時點解會鍾意阿晴..可能一見鍾情掛!!!
講番個約定先…..
係last day 之後，我約左阿英同阿因一齊番學校溫書….
有一次溫書….溫到悶，我地開始傾下閒計
阿因:雲哥，其實你點解禁鍾意阿晴既!
我:我都唔知，可以一見鍾情掛，可能我就比較文靜，而佢就好sporty(佢係運動健壯)，一個對比，所以吸引到我掛!
阿英:原來雲哥，你鍾意D運動型既女仔.
阿因:係呢，你地鍾唔鍾意睇戲架?
阿英:我都鍾意睇戲，雲哥，你呢?




我:其實我唔係好鍾意睇戲，我到le一刻都未入過去戲院!
阿因，阿英:唔係掛!
阿因: 近排有套電影上映，去唔去睇，當休息一日!你地有冇興趣!
我: 我唔想入戲院，我想留番第一次比將來既第一個女朋友，等我可以同佢講我人生第一次入戲院已經比左你!
阿因:洗唔洗禁浪漫!如果雲哥唔去，聽日都係照常番學校溫書!
我:好啊!
這就係這個約定<<第一次陪我入戲院係我女朋友>>既由來.
當你對住一個人越耐，你自然會愛上一個人….可惜都係朋友以上，戀人未到….中學生活係揮灑青春既地方，一生人得一次，勇敢去愛，表達自己既感情，即使冇結果都唔緊要， 當係人生經歷不為過.千奇做自己會後悔莫及既事!!
(原先結尾太白，自己都面紅…所以刪改)
完