{已更新第四章}尋找在我人生中第一次陪我入戲院的女友: 序章(尋)

序章:
201X年9月5日，先前已經一直想寫一篇關於我同佢既故事，不過工作實在太忙，而又冇咩特別靈感，所以遲遲未開始，就係因為今日發生左一個事，一件我意想不到既事，令我去開始寫呢個故事。
今日我如平常一樣9點鐘就番到公司，我叫吖雲，一個核數文員(這個並唔重要)，由於我已係公司都做左好幾年(這都唔係重點),老細都對我有信心,我都有條公司鎖匙，平常都係我最早番到，都係由我去開門，但今日唔同，我見公司門口有光射出走廊，就心知老細番左，平時老細都係沒有10,11點鐘都唔見人，但近排突然9點半，10點鐘就番到公司,，今日重早過我番到公司，開工到放工都冇咩特別事發生，平時老細都唔會禁早走，而我地都唔會準時6點鐘放工，多數都係6點半放(這是做核數其中一個文化，絕對冇得準時走)，但今日唔同，老細6點鐘放工，走前重叫我鎖門 ，當老細走左之後，我地連忙執好野，去一轉洗手間，就準備鎖門放走，因此我地6點15分就放工。
就係呢個原因,，就係早左個15分鐘，一轉入彌敦道大街，就比我遇到阿悅(一個係我心入面有一定地位既佢)，當時由於人太多，我都唔知佢有冇留意到我,，但我望到佢個一刻，我個心停左2秒，就係因為同事叫著我，我先回個神， 當時既佢面冇表情，但佢就拖著一個比我高既男仔。
我個刻我好似冇左靈魂一樣，血不斷沖上腦，身體好似發燒一樣，我個刻只諗到佢點解會係到，點解今日早收工，比我遇到佢，點解佢重要約我下星期去我屋企整野食，點解，點解，點解，到左同同事分開行我開始冷靜落黎。
我開始回想<<讓我當你的籃板球女友好嗎>>未睇過,可以上google search下西樓月如鈎)既一句，「當你太重視一樣野既時候，會重視到你唔敢去擁有。」就係因為呢句，我更加冷靜落黎，唔再諗關於佢，但我真係好想好想將件事話比人聽，聽我數心中既心事。
結果我Whatapps左我Asso時既知己－阿文，由於先前我地係書展答應左佢會當我出Job去上環會借<<你的名字>>比佢，唔洗佢浪費冇謂錢(呢個又係另外一個故事)，但因為唔係我去，所以失信左，所以我就比自己一個藉口向人數心中苦。
我:「Sorry!你要個本書<<你的名字>>未比到你，因為今次唔係我出Job!」
我:「但我想問你重係咪經西鐵番屋企?我下次出Job會塔西鐵!」
文:「是的! 幾時?」




我:「未定,到時再聯絡!」
文:「OK!」
文:「我今個weekend去日本」
文:「你想要咩手信?」
真有我心~
我:「禁你玩得開心d,唔洗買咩手信,我想聽d日本既開心既事就夠!」
呢句值得加分~
文:「好呀冇問題!」
之後都係交代各自近況~
我:「你去日本記得留下多d美好既回憶,再話比我知，我要用黎寫故!」




文:「你寫blog?」
我:「唔係，近排睇得紙言多，想寫野姐!」
文:「我有寫下日記，有時寫下都幾有feel。」
我:「突然好想將一d野寫出黎，但又未開始!」
文:「好長篇?」
我:「未定! 但今日唔知點解好想寫d野!」
文:「去完旅行同你share」
之後阿文都介紹再唔同日記App比我，佢就用緊叫Journey既日記Apps，但最後我都冇將我放工個陣見到佢阿悅(Asso個陣既同學)既事話比佢聽，最後我都冇用到佢推介既日記Apps,，我只係想將我既故事寫落黎，而唔係單單日記形式(因為平時都係番工放工，冇特別野好寫)，結果食完晚飯，我就開始寫呢篇故事。呢篇關於我同佢既故事。