是咁的，我嘅職業係動物傳心師: 97.變態佬

唔知係咪病房冷氣太凍，我覺得吸入嘅空氣令肺部結冰。

時間好似凝固咗咁，我唔識反應。

「全部⋯⋯一隻都無剩，被變態佬毒死晒⋯⋯」

發生依件事嘅第二日，發叔即刻打電話搵我，但我無聽電話，反而我媽幫我聽，仲話佢知我入咗醫院。佢同我媽講有好緊要嘅事搵我，如果我醒咗要即刻通知佢。發叔一知我醒就即刻買個果籃過嚟，但就算佢可以瞬間轉移到我面前通知我，充其量都只係通知。

我幾快知都好，都只係得個「知」字，我咩都做唔到。