是咁的，我嘅職業係動物傳心師: 77.你都寂寞了多久

現代嘅社會，一切都講求即時、效率、最緊要快、即刻要見到效果，而依種風氣令大部分嘅人都唔想「浪費時間」，問題係，即使語言相通嘅人類，要互相理解都尚且咁困難，何況係語言唔相通嘅人類同動物？

但人類唔願意花時間去理解，往往喺動物做出令人厭惡嘅行為嗰陣，對背後原因漠不關心直接下判決。我哋忘記咗有好多好多事，唔花更大嘅耐性同更多時間心機，係無辦法體會同改變，譬如最親嘅人離世、同愛人分手，患上情緒病⋯⋯當我哋希望盡快企返起身、走出陰霾但係做唔到嘅時候，我哋會問自己一個問題：

點解過咗咁耐，我都好唔返？
 
你都寂寞了多久還是未好